နတ်ဘုရား မုခ်ဝ

အကျဉ်းချုပ်

အလွန်ကို ထူးဆန်းပြီး နားလည်ဖို့ ခက်ခဲတဲ့ ကမ္ဘာတစ်ခု ရှိတယ်။
ရေ မြေ တော တောင် သဘာဝတွေ သစ်ပင်ပန်းမန်တွေ…
ကောင်းကင်ဘုံနဲ့ ကမ္ဘာမြေကြားက ဖန်တီးမှုအားလုံး အရာအားလုံးဟာ စွမ်းအင်အရင်းအမြစ်တွေ ဖြစ်ကြတယ်။
ဒီကမ္ဘာမှာတော့ သူ့ရဲ့အရင်မူလကမ္ဘာနဲ့ အကုန်နီးပါးတူပေသော်ငြား ထပ်တိုး ဖြည့်စွက်ချက်တစ်ခုရှိနေတယ်။
ဒါကတော့ တာအို နိယာမပဲဖြစ်တယ်။
ဖန်ကျန်းရှီ တစ်ယောက်ကတော့ အတော်လေး ဝေခွဲမရဖြစ်နေတယ်။ စာအုပ်တွေကိုဖတ်လိုက်တာနဲ့ အစွမ်းတွေရနိုင်တယ်လား? ငါ တောက်တယ်ကျင်း ကိုအရင်ဖတ်ရမလား? ဒါမှမဟုတ် ကိုယ်ပျောက်ပညာစာအုပ်ကို အရင်ဖတ်သင့်လား? ကွန်ဖြူးရှပ်ရဲ့စာအုပ်ပဲဖတ်ရမလား? ရွှေကြာပန်းဖတ်ရမလာ?
သူ့ရဲ့ တာအိုနိယာမအခြေခံနဲ့ ဖန်ကျန်းရှီ တစ်ယောက် တာအိုဆရာသခင် ဖြစ်လာနိုင်ပါ့မလား? နတ်ဘုရား မုခ်ဝကိုကောဖွင့်နိုင်ပါ့မလား ?

သူက သမိုင်းသုတေသီ တစ်ယောက် ဖြစ်ခဲ့တယ်။ ငယ်ငယ်ရွယ်ရွယ် နဲ့ ထူးချွန်တဲ့ ကျောင်းတော်သား တစ်ယောက်။ သူ သေဆုံးပြီး ဘ၀ ကူးလာခဲ့တယ်။ သူ့ မှတ်ဥာဏ်တွေက ဘ၀သစ်ကို ပါလာတယ်။ ၂၁ ရာစု အတွေးအခေါ် တွေ၊ နည်းပညာတွေ သူ့ စိတ်နှလုံးထဲမှာ စွဲမြဲ နေဆဲ။ ။ အခု သူရှင်သန် နေတဲ့ လောကကြီးက တာအိုဝါဒီ ကို အခြေခံတဲ့ ကျင့်ကြံခြင်း လောက။ လိုက်လျော ညီထွေအောင် သူ ဘယ်လိုများ ရှင်သန်ခဲ့လည်း။ နတ်ဘုရားမုခ်ဝကို ဘယ်လိုများ ဖွင့်ခဲ့လည်း။ ပျော်ပျော်နေတတ်တဲ့ စရိုက် သဘာဝ နဲ့ တဖြည်းဖြည်းချင်း တိုးတက်လာတဲ့ ဘ၀ ခရီးကို ဖြတ်သန်း နေသူ တစ်ယောက် အကြောင်း မြင်တွေ့ရမှာပါ။ အပင်မြင့်လေ ၊ လေတိုက်လေ ၊၊ သူ့ဘ၀ကလည်း မြင့်မားလာလေ။ ပြင်းထန်တဲ့ လေရိုင်း ဒဏ်ကို ခံစားရ လေပါပဲ။ ဒါပေမယ့် သူကတော့ ခပ်ပြုံးပြုံး။ ကောင်းကင်ကြီးကို မော့ကြည့်ရင်း လောကကြီးကို ပြုံးပြတယ်။
သူ့ဘ၀ကို သာမာန်လူတစ်ယောက် အဖြစ်သာ ဖြတ်သန်းချင်ခဲ့တယ်။ အေးချမ်းတဲ့ ဘ၀ ။ သိမ်မွေ့တဲ့ ဇနီး လေး နဲ့ မိသားစု ဘ၀လေးထူထောင်မယ်။ တောရွာလေးမှာပဲ ပျော်ပျော်ရွှင်ရွှင် နေထိုင်မယ်။ သူ့ ကံကြမ္မာက ကြီးမားလေးလံ နေခဲ့တယ်။ သူ အင်အားရှိဖို့ လိုလာခဲ့တယ်။ မိသားစုကို ကာကွယ်ရမယ်။ အဖေ နဲ့ အမေကို ကာကွယ်ရမယ်။ သူ့ကို အားကိုးယုံကြည်တဲ့ မြောက်ရွာ က လူတွေကို ကာကွယ် ရမယ်။ ဒါကြောင့် သူ အင်အားရှိဖို့လိုအပ်တယ်။ ……………..
ရိုးရှင်းပြီး ဟာသ မြောက်တဲ့ ဘ၀ ဇာတ်လမ်းတစ်ပုဒ် ဖြစ်ကောင်း ဖြစ်နိုင်တယ်။ ဒါပေမယ့် သူ့ ဘ၀က ထင်မှတ်မထားရ လောက်အောင် အနိမ့်အမြင့် များလွန်းတယ်။ သက်တောင့်သက်သာ၇ှိလွန်းသလို။ ချောက်ထဲ ကျတာထက် ဆိုးတဲ့ အဖြစ်တွေလည်း မနည်းဘူး။
သူကတော့ ဖန်ကျန်းရှီ ……………
ဖန်ကျန်းရှီ ရဲ့ ဘ၀ ဇာတ်ကြောင်းကို မြင်တွေ့ရမှာ ဖြစ်တဲ့ ဒီ စာစဉ်လေးကို ဆက်လက် ဖတ်ရှုပေးကြပါဦးရှင့်။