ဓားနတ်ဘုရား ဂျင်ချန် - Chapter - 342
Chapter – 342
သုံးရက်က ခဏတွင်းကုန်သွားတယ်။ ပြိုင်ပွဲ၀င်တိုင်းက ဗိုလ်လုပွဲအတွက် စွမ်းအားကိုအမြင့်ဆုံးအခြေအနေမှာ ရှိနေအောင် ကြိုးစားထားကြတယ်။ အကာအကွယ်အပြင်ဘက်မှာတော့ ပွဲကြည့်ပရိတ်သတ်တွေက စကားများနေကြပြီး ဘယ်သူက အနိုင်၇မယ် ဘာညာ ဆွေးနွေးနေကြတယ်။ တချို့ဆို လောင်းနေကြတယ်။ လောင်းတဲ့သူတိုင်းက အများကြိးနိုင်ချင်ကြတာပဲ။ ဒီလိုနဲ့ နောက်ဆုံးမှာတော့ ခရမ်းရွှေဒင်္ဂါးဆယ်သန်းအထိ မြင့်တက်သွားတယ်။ အခြားလူတွေကို မဲပေးတာ ဆယ်ခုရတဲ့အခါမှာ မင်တုန်းကိုတော့ လောင်းကြေးထည့်တာ အများဆုံးဖြစ်လာတယ်။
နေ့လည်ခင်းမှာတော့ ကြေးစားမြို့တော်က ပြွတ်သိပ်နေပြီ။ အရင်ရက်တွေကထက် ဒီနေ့လာတဲ့လူပိုများတယ်။ စျေဒဆိုင်တန်းတွေမှာတောင် လူတွေပြည့်နှက်နေတယ်။
ဂျင်ချန်နဲ့ ကာရာကားတို့တွေ ပြိုင်ပွဲစင်မြင့်ပေါ်မှာ ရပ်နေပြီး တစ်ယောက်နဲ့တစ်ယောက် စူးစူးရဲရဲ ကြည့်နေကြတယ်။
“ ကောင်စုတ်လေး မင်းနဲ့ မင်တုန်းနဲ့ တော်တော်၇င်းနှီးတယ် ဟုတ်တယ်မလား။ မင်တုန်းက ငါ့အကိုကိုသတ်ခဲ့တယ်။ မင်းရဲ့ သွေးနဲ့ ဆေးကြောမှ ငါ့အကိုကျားတာဖေး ကျေနပ်နိုင်လိမ့်မယ်။ မင်တုန်းကတော့ မင်းအတွက် ဆက်တာ၀န်ယူပေးပါလိမ့်မယ်”
ကာရာကားက ဂျင်ချန့်ကိုကြည့်ကာ အငြိုးတကြီးပြောတယ်။
ဂျင်ချန်က နှာခေါင်းရှုံ့လိုက်တယ်။
“ မင်းအကိုကျားတာဖေးနဲ့ မင်တုန်းတို့လို ဒီလိုစကားတွေ ပြောခဲ့တာပဲ။ အဆုံးမှာ မင်းအကိုက မင်တုန်းကြောင်းနှစ်ခြမ်းကွဲသွားတယ်။ အခုလည်း မင်းကသာ ကျရှုံးမယ့်သူဆိုတာ ငါပြောရဲတယ်။”
“ ဟမ့် မင်းနဲ့ မင်တုန်းက တူလို့လား ။ မင်တုန်းက အဆင့်ခြောက်မြေကမ္ဘာသူတော်စင်သခင်လေ။ သူ့မှာ ကောင်းကင်ဘုံအဆင့်တိုက်ပွဲစွမ်း၇ည်ရှိနေတာကတော့ ငါမမှန်းထားမိတာပေါ့။ ဒီလိုလူဆီမှာ ကျားတာဖေး သေတာ မထူးဆန်းဘူး။ ဒါပေမယ့် မင်းကရော။ မင်းသာ အဆင့်ခြောက်မြေကမ္ဘာသူတော်စင်သခင်ဆိုရင် ငါ့ဦးခေါင်းကွဲထွက်တဲ့အထိ အရိုအသေပေးမယ် ဟုတ်ပြီလား”
ကာရာကားက ဂျင်ချန့်ကို အထင်သေးစွာကြည့်နေတယ်။
“ ငါ့စွမ်းအားကို မင်း သိစရာမလိုဘူး။ မင်း အရိုမသေပေးဖို့လည်း မလိုဘူး ဘာကြောင့်ဆို မင်းက သေရတော့မှာပဲဟာ။ မှတ်ထားပါ မင်းပြောခဲ့တဲ့စကားတိုင်းက တူညီတဲ့ တန်ဖိုးကို ပြန်ပေးရမယ်ဆိုတာ”
ထို့နောက် ဂျင်ချန့်ဆီကနေ သတ်ဖြတ်ချင်တဲ့ အရိပ်အယောင်တွေ လျှံထွက်လာတယ်။
ကာရာကားလည်း မဲ့ပြုံးပြုံးလိုက်ပြီး သတ်ဖြတ်ခြင်းဆန္ဒတွ ထုတ်ဖော်လိုကတယ်။ ဒါပေမယ့် ဘာစကားမှတော့ မပြောတော့ဘူး။
“ စတင်တော့”
နှစ်မီတာရှည်တဲ့ နှစ်လက်ကိုင်ဓားရှည်က ငွေရောင်မြူတွေ ဖုံးလွှမ်းပြီး ကာရာကားလက်ထဲ ပေါ်လာတယ်။ ကြည့်လာတာနဲ့ မြင့်မြတ်တဲ့ပစ္စည်းမှန်း သိသာတယ်။
ဂျင်ချန်ရ့ညာလက်မှာလည်း လေအလင်းဓားပေါ်လာတယ်။
“ မင်းမှာ ထူးခြားတဲ့ သံချပ်ကာတွေရှိရင် နောက်မကျခင်၀တ်ထားလိုက်တာ ကောင်းမယ်”
ကာရာကားရဲ့ အမူအယာက ပိုခက်ထန်လာတယ်။ သူ့အနေနဲ့ ဘယ်သွားသွား ဘယ်လာလာ ဖူးဖူးမှုတ်ထားခံခဲ့ရတာ။ ဒီနေ့ကျမှပဲ အသက်နှစ်ဆယ်တောင်မရှိသေးတဲ့ လူငယ်တစ်ယောက်ဆီကနေ အစော်ကားခံရတယ်။ သူဘယ်လိုမှ လက်မခံနိုင်ဘူး။
“ မင်းက သေခြင်းတရားကို သေချာတောင် စာလုံးမပေါင်းသတ်ဖူးထင်တယ်။ မင်းကို သတ်ဖို့ကတော့ကွာ ငါ့သံချပ်ကာကို ထုတ်စရာမလိုပါဘူး။ သေစမ်း”
ကာရာကားက ဓားရှည်ကို ဂျင်ချန့်ဆီ ချိန်ရွယ်ပြီး ခုန်၀င်လာတယ်။ ဓားချက်မှာ အဆင့်ငါးမြေကမ္ဘာသူတ်ာစင်သခင် စွမ်းအားတွေပါတယ်။
ကာရာကားရဲ့ စွမ်းအားက အဆင်ခြောက်ဖြစ်တဲ့ မင်တုန်းနဲ့တောင် ယှဉ်နိုင်တယ်။
ဂျင်ချန့်အကြည့်တွေ အေးစက်လာပြီး မိုးပြာရောင်နဲ့ ခရမ်းရောင်ဓားချီတွေက လေအလင်းဓား အသွားပေါ်မှာ ထူထဲစွာဖြစ်တည်လာတယ်။
ချင်ကျီးနဲ့ ထျန်းမူလင်းက အရင်မြင်လိုက်ပြီး ဂျင်ချန့်ဓားဆီကနေ အကြည့်မလွှဲကြတော့ဘူး။ ဒီဓားချီတွေက မျက်စိဖမ်းစားတယ်။ မြင်တဲ့သူတိုင်းက အကြည့်မလွှဲနိုင်ကြဘူး။ သူတို့တွေ လှိုဏ်ဂုထဲက ကိစ္စကို သတိရလာတယ်။ ဂျင်ချန်က ရှစ်ရှန်းရန်နဲ့ ကျဲသဲဝူခန်းရဲ့ အကာအကွယ်တွေကို ဖြတ်ပြီး သတ်ဖြတ်ခဲ့တာက အချိန်တိုအတွင်းမှာဖြစ်တယ်။ အဲ့အချိန်ကလည်း ဂျင်ခန့်ဓားမှာ ဒီအလင်းတွေပေါ်လာတာကို သတိရလိုက်တယ်။
မိုးပြာရောင်နဲ့ ခရမ်းရောင် ဓားချီတွေက အားဖျော့နေသော်လည်း လေအလင်းဓားက ထူထဲတဲ့ ဓားချီတွေကြောင့်မျက်စိဖမ်းစားနိုင်နေတုန်းပဲ။
ကာရာကားလည်း ဒီထူးခြားတဲ့ အလင်းတွေကို မြင်တယ်။ ဒါပေမယ့် သူက ဂရုမစိုက်ဘဲ ဂျင်ချန့်ရင်ဘတ်ကို ဓားနဲခုတ်လိုက်တယ်။
တစ်ချိန်ထဲမှာ ဂျင်ချန်က ကာရာကားရဲ့ ဓားကိုခုခံလိုက်တဲ့အခါ ပြင်းထန်တဲ့ အက်ကွဲသံတွေထွက်လာတယ်။
“ ဘန်း….”
ရိုင်းစိုင်းတဲ့ပေါက်ကွဲမှုက ဖြစ်လာတယ်။ ကာရာကားရဲ့ သူတော်စင်လက်နက်က ဂျင်ချန့်ထက် အဆင့်မြင့်တာမို့လို့ လေအလင်းဓားက ဓားချီတွေ ပြန့်ကျဲသွားတယ်။ ဓားချီကနေ ပုံရိပ်တစ်ခုပေါ်လာပြီါ် အကာအကွယ်ကို တိုက်ခိုက်ပေမယ့် ခြစ်ရာလေးတောင်ဖြစ်မသွား၊ အဲ့ဒိအစား ဓားချီတွေသာ ပျောက်ကွယ်သွားတယ်။
ဂျင်ချန့်လက်နက်အားနည်းမှုကြောင့် ဓားချီတွေ ဒုက္ခရောက်သွားပေမယ့် မိုးပြာေ၇ာင်နဲ့ ခရမ်းရောင်အလင်းကတော့ ဘာမှမဖြစ်ဘူး။ ဒီအလင်းနှစ်ခုနဲ့ ကာရာကားရဲ့ အလင်းသူတော်စင်စွမ်းအင်တို့ ထိတွေ့မိသွားကြတယ်။ ဒီအခါအလင်းနှစ်ခုက လက်နှစ်ချောင်းရာ အပေါက်တစ်ခုချန်ခဲ့ပြီးတဲ့အခါ သူ့လက်နက်က ပုပ်သိုးဆွေးမြေ့နေတဲ့ သစ်သားစလို တစ်စစဆီပဲ့ကြွေကျလာတယ်။
သူ့လက်နက် ထိခိုက်မိတဲ့အခါ ကာရာကား ကျယ်လောင်စွာ အော်ဟစ်လိုက်ရတယ်။ သူ့မျက်နှာကလည်း ဖြူဖျော့သွားပြီး ပါးစပ်ကနေ သွေးတွေ ပန်းထွက်လာတယ်။
တစ်စက္ကန့်တောင် မကြာသေးချိန်မှာ ဂျင်ချန်က ဓားချက်နှစ်ခုကို ဆက်တိုက်ထုတ်လိုက်တယ်။ ချက်ချင်းဖြစ်ပျက်သွားတာဖြစ်သလို လျှင်လွန်းမြန်လွန်းပြီး စွမ်းအားပြည့်လွန်းတာက အားလုံးကို အံ့အားသင့်စေတယ်။
သူ့လက်နက် ထိခိုကသွားတာကို ကာရာကားက အံ့အားသင့်နေတုန်းရှိသေးတယ် သူ့မျက်စိထဲမှာ မိုးပြာရောင်နဲ့ ခရမ်းရောင်အလင်းတွေကို မြင်လိုက်ရတယ်။ အခြေအနေကို ချက်ချင်း သတိရသွားပြီး ဂျင်ချန့်အနားကနေ ဝေးအောင် နောက်ဆုတ်လိုကတယ်။
ဂျင်ချန်က မလှုပ်ဘဲနဲ့ ကာရားကားနောက်ဘက်မှာ ဓားကိုင်လျက်သား ရောက်သွားတယ်။
ဒီအချိန် ကွင်းပြင်မှာတော့ ဓားချက်ကိုကြည့်ပြီး ပွက်လောရိုက်နေကြပြီ။
“ ဘယ်သူနိုင်မယ် ထင်လဲ”
“ ကာရာကားပေါ့ကွ”
“ သူနဲ့ ကျားတာဖေးနဲ့က ညီအကိုတွေလို ရင်းနှီးတာ။ ကျားတာဖေးက အဆင့်ငါးဆိုတော့ သူလည်း ဒီလောက်အစွမ်းရှိမှာပဲ။ သူ့မှာ ကောင်းကင်ဘုံအဆင့်တိုက်ပွဲစွမ်းရည် ရှိမရှိကတော့….”
“ ဒါပေမယ့် ဂျင်ချန်ကလည်း အဆိုးကြီး မဟုတ်ပါဘူး။ သူ့အသက်ဘယ်လောက်ရှိမယ် မင်းထင်လဲ။ ငါ့အထင်တေ့ နှစ်ဆယ်ပဲရှိဦးမှာ သူက အများကြီး မကျင့်ကြံရသေးဘူးလေ”
“ ဟုတ်တယ် ဂျင်ချန်က ဒီလောက်အကြာကြီး မလေ့ကျင့်ရသေးဘူး။ သူ့မှာ အခြေပြုစွမ်းအားမရှိပေမယ့် မဆိုးဘူးလို့ ပြောရမယ်။ ဒါပေမယ့် သူက ကာရာကားလို အလင်းသူတော်စင်သခင်နဲ့ ဘယ်လိုယှဉ်နိုင်မှာလဲ။ သူတို့လိုအလင်းစစ်သူရဲတွေကို မသေမျိုးတွေလို့တောင် လူသိများတာကွာ သူ့ကို ဘယ်လိုသတ်နိုင်မှာလဲ”
သို့သော် ထိုလူက ပြောနေရင်း ရုတ်တရက် ရပ်သွားတယ်။ ကွင်းပြင်ထဲက စင်မြင့်ပေါ်မှာ ကာရာကားရဲ့ လည်ပင်းမှာ သွေးစီးကြောင်းတစ်ခုတွေ့ရတယ်။ သွေးစီးကြောင်းက တဖြေးဖြေး ကျယ်ပြန့်လာပြီး လည်ပင်းတစ်ခုလုံး နီရဲသွားတယ်။ ဒီစီးကြောင်းက အနီရောင်ဖြစ်နေလို့သာ သွေးလို့ လူတွေက လက်ခံတာဖြစ်တယ်။
ကာရာကားလည်ပင်းက သွေးတွေက ရေတံခွန်လို ကြမ်းပြင်ပေါ် အဆက်မပြတ်ကျနေတယ်။ နောက် သူ့လည်ပင်းကနေ ခေါင်းကမြေကို ပြုတ်ကျသွားတော့တယ်။ ဒီအခါ သွေးတွေက လည်ပင်းကနေ တလဟော ပန်းထွက်လာတော့တယ်။ စင်မြင့်တစ်ခုလုံး သွေးလွှမ်းသွားတယ်။
အပြင်ဘက်မှာတော့ လူတိုင်းက တိတ်ဆိတ်နေကြပြီး ပြူးကျယ်တဲ့ မျက်လုံးတွေနဲ့ တအံ့တသြကြည့်နေကြတယ်။
စွမ်းအားကြီးမားတဲ့ အလင်းစစ်သူရဲတစ်ယောက်ဖြစ်တဲ့ ကာရာကားလိုလူကို အသက်နှစ်ဆယ်တောင်မပြည့်လောက်သေးတဲ့ ဂျင်ချန်လို လူငယ်က ပြိုင်ပွဲစပြီး မကြာခင်မှာတင် သတ်ဖြတ်လိုက်တယ်။ ဒါ လုံး၀ ယုံကြည်ဖို့ ခက်ခဲပေတယ်။
အားလုံးရဲ့အကြည့်တွေကို လျစ်လျူရှုပြီး ဂျင်ချန်က နေရာလပ်ဂိတ်ကနေ ထွက်လာတယ်။ လူတိုင်းက သူ့ကိုပဲ ကြည့်နေကြပြီး တစ်ယောက်ယောက်ထွက်လာဖို့ကို မစောင့်နိုင်ဖြစ်ကြတယ်။
“ ဘယ်လောက်မြန်တဲ့ ဓားလဲ။ သူ့အတွက် ဒီလိုဓားချက်ထုတ်ဖို့ တစ်စက္ကန့်တောင်မကြာဘူးကွာ။ ဒီလို စွမ်းအားကတော့ အရမ်းကို ကြီးမားလွန်းတယ်ပြောရမယ်။ ငါ့အထင်ပြောရရင် သူ့ဓားက ထူးခြားတဲ့အလင်းနှစ်ခုက အဆင့်ခြောက်မြေကမ္ဘာသူတော်စင်သခင်ရဲ့ လက်နက်ကို ဖျက်ဆီးပစ်လိုကတာပဲ”
ကောင်းကင်သူတော်စင်သခင်တစ်ယောက်က လေးစားတဲ့အမူအယာနဲ့ ဆိုတယ်။
ဂျင်ချန်က လမ်းလျှောက်နေရင်း စိတ်လှုပ်ရှားနေတယ်။ ဒါက သူနိုင်သွားလို့မဟုတ်ဘဲ မိုးပြာရောင်နဲ့ ခရမ်းရောင်အလင်းတွေက ပိုပြီး စွမ်းအားထက်လာလို့ဖြစ်တယ်။ ဒါပေါ့ အခြားလူတွေတော့ မြင်သွားပြီပေါ့။
ဂျင်ချန်က ကာရာကားကို နိုင်သွားတော့ မင်တုန်းက ဂုဏ်ပြုစကားပြောတယ်။ လူတွေအားလုံးက အခုဆိုရင် ဂျင်ချန့်ကို အမူအယာတစ်မျိုးနဲ့ ကြည့်နေကြပြီ။ သူတို့တွေ ဂျင်ချန့်ကိုလည်း နံပါတ်တစ်နေရာ ထည့်ထားလိုက်ကြပြီ။ ပြောရရင် ဂျင်ချန်က မင်တုန်းကိုပါ နိုင်နိုင်လောက်တယ်။ ဘာလို့ဆိုရင် ဂျင်ချန်ထုတ်သွားတဲ့ဓားချက်က စက္ကန့်၀က်တောင် မကြာလိုက်ဘူးမဟုတ်လား။ လျှပ်စီးလက်တာထက်တောင် မြန်နေသေးတယ်။သူတို့မသိတာကတော့ ဂျင်ချန့်ဓားချက်က ဒီ့ထက်ပိုမြန်တယ်ဆိုတာပါပဲ။