ပြန်လည်မွေးဖွားလာသော ဓားနတ်ဘုရား - Chapter - 448 ကပ်သီလေး
ကြီးမားသည့် မီးတောက်မြွေဟောက်က ရှီဖုန်းကို ဝါးမျိုတော့မည့်အချိန်တွင် ရှီဖုန်းက သူခေါင်းကို ရုတ်တရက်မော့ပြီး မြွေဟောက်ကို စိုက်ကြည့်ကာ ၄င်း၏ ပါးစပ်မဟခင် နဂါး၏ ဝင်သက်တစ်ရှိုက်ကို ထုတ်ဖော်လိုက်သည်။ နဂါးဟိန်းသံက ပတ်ဝန်းကျင်တစ်လျှောက် ပဲ့တင်သံ ထွက်လာပြီးနောက် ထိတ်လန့်ဖွယ်လှိုင်းက မြွေဟောက်ကို ဘန်းကနဲ ရိုက်သွားတော့သည်။
နှစ်ခုဆုံသွားချိန်၌ တိုက်ခိုက်မှုက လွင့်ပြယ်သွားသည်။ သို့သော် တံခါးစောင့်က မပြီးသေးပေ။ သူက အနက်ရောင်လှံကို တင်းကြပ်စွာ ကိုင်ထားပြီးနောက် ရှီဖုန်း၏ နှလုံးကို ထိုးစိုက်လိုက်သည်။ ရှီဖုန်းက မီးတောက်အလျှင်ကို ချက်ခြင်း ထုတ်ဖော်ပြီး သူ၏ လှုပ်ရှားမှုအရှိန်ကို ၁၀ စက္ကန့်စာ ၁၀၀ ရာခိုင်နှုန်း တိုးလိုက်၏။ သူ၏ အရှိန်က တက်သွားသည်နှင့် ရှီဖုန်းက နောက်ပြန်ဆုတ်ကာ လှံကို ရှောင်လိုက်သည်။
ထင်သည့်အတိုင်းပင် အလွှာ ၂ အမျိုးအစား၏ တိုက်ပွဲဝင် စွမ်းအားဖြင့် မဟာအရှင်တစ်ပါးကို စိန်ခေါ်ရန်က ဖိအားပေးရာ ကျလွန်းသည်။ ရှီဖုန်းက မြေပြင်ပေါ်သို့ ရောက်သွားပြီးနောက် အနူဘစ်၏ တံခါးစောင့်ကို အာရုံစိုက်ထားကာ ဦးစွာ စတိုက်ရန် မရည်ရွယ်ထားပေ။
ရှင်သန်ရန်က သူ၏ ပထမဦးစားပေး ဖြစ်သည်။ သူက တက်နိုင်သမျှ အချိန်ဆွဲမှာ ဖြစ်၏။
သူ၏ အလွှာ ၂ ကြမ်းတမ်းသည့် နည်းစနစ်ကို အသုံးပြုပြီး တိုက်ပွဲဝင်စွမ်းအားကို အမြင့်ဆုံးထိ တင်ထားသော်လည်း စက္ကန့်အနည်းငယ် ကြာပြီးနောက် သူ၏ HP တစ်ဝက်က ဆုံးရှုံးနေဆဲ ဖြစ်သည်။ သူသာ ဓားသူတော်စင်တစ်ပါးဖြစ်ပြီး ဒဏ္ဍာရီလာ အိုင်တမ်စ မပိုင်ဆိုင်ထားလျှင် တံခါးစောင့်၏ လှံက အစောထဲက သူ့အသက်ကို ချွေသွားမှာ ဖြစ်သည်။ သို့သော် အနူဘစ်၏ တံခါးစောင့်က ရှီဖုန်းအချိန်ဆွဲနေတာကို ခွင့်ပြုသည်မပေါ် သူက လှံကို မြောက်ပြီးနောက် မြေပြင်ကို ဘန်းကနဲ့ ရိုက်လိုက်၏။ ရုတ်တရက်တွင် မဟာအရှင်က ကိုယ်ပွား ၃ ခု ခွဲသွားပြီးနောက် ကိုယ်ပွားတစ်ခုချင်းဆီက HP ၆၀၀၀၀၀၀ ရှိကြသည်။
” မဟုတ်နိုင်တာ …”
ရှီဖုန်းက မကျိန်ဆဲပဲ မနေနိုင်တော့ပေ။
တံခါးစောင့်က သူ၏ ခွန်အားကို ၃ ခုခွဲလိုက်ပြီး ကိုယ်ပွားတစ်ခုချင်းဆီက မူလထက် သိသိသာသာ အားနည်းသော်လည်း သူတို့သည် အလွှာ ၃ အမျိုးအစား၏ တိုက်ပွဲဝင်စွမ်းအား ပိုင်ဆိုင်ထားဆဲ ဖြစ်သည်။ ရှီဖုန်းက တစ်ယောက်ထဲ ထိပ်တိုက် ရင်ဆိုင်သည့်အခါ သူ၏ ပြိုင်ဘက်များကို အလွယ်တကူ ဖြေရှင်းနိုင်မှာ မဟုတ်ပေ။ တစ်ဖက်တွင် ရှီဖုန်းက ယခုဆို တံခါးစောင့် ၃ ဦးကို ဆက်တိုက် ဖြေရှင်းရမှာ ဖြစ်သည်။ သူ လက်ရှိ ရင်ဆိုင်နေရသည့် အန္တာရာယ်က ၃ ဆ ပိုကြီးသွားပြီ ဖြစ်သည်။
ရွေးချယ်စရာမရှိဘဲ ရှီဖုန်းက ထင်ယောင်ထင်မှား သတ်ဖြတ်မှုကို အသုံးပြုလိုက်ပြီး သူ၏ ကိုယ်ပွားက ဘေး၌ ပေါ်လာသည်။ သူ၏ ကိုယ်ပွားက သူ၏ အရည်အချင်း ၇၀ ရာခိုင်နှုန်းသာ ပိုင်ဆိုင်ထားသော်လည်း ၄င်းက ဖိအားအချို့ကို လျော့ပေးနိုင်သေးသည်။
” မြင့်မြတ်တဲ့မြေကို ကျူးကျော် သူတွေ သေတော့ …”
တံခါးစောင့်က ရှီဖုန်းကို တိုက်ခိုက်လိုက်တော့သည်။ ရှီဖုန်းက တုံ့ဆိုင်းမနေဘဲ နဂါး ၉ ကောင်ကို အသုံးပြုပြီး အလယ်ရှိ ကိုယ်ပွားကို ထိုးစိုက်လိုက်၏။ သူနှင့် ကိုယ်ပွား နှစ်ယောက်လုံးက ပြီးနောက် တစ်ဖက်ဆီ ပြန်ထွက်သွားသည်။
သူက အလွှာ ၃ အမျိုးအစား ဖြစ်သည့်တိုင် မဟာအရှင် ၃ ဦးကို တပြိုင်နက်ထဲ မတိုက်ခိုက်နိုင်ပေ။ ရှီဖုန်းများ အရပ်မျက်နှာ ၂ ခုဆီ ထွက်ပြေးသွားတာကို ကျန်သည့်တံခါးစောင့် ၂ ဦး မြင်သောအခါ သူတို့ချင်း လူခွဲပြီးနောက် မူလနှင့် ကိုယ်ခွဲနောက်ကို လိုက်သွားသည်။ နဂါး ၉ ကောင် ရိုက်ချက်ကို ခံလိုက်ရသည့် တံခါးစောင့်ကမူ သူရှိနေသည့် နေရာတွင် ကျန့်ခဲ့သည်။ အချိန်အတိုင်းအတာတစ်ခုအထိ ကြွက်နှင့် ကြောင်ဂိမ်းက ဖြစ်ပွားနေဆဲ ဖြစ်သည်။
တံခါးစောင့်၏ အရည်အချင်းက ၃ ပိုင်းခွဲလိုက်ပြီး ရှီဖုန်း ရင်ဆိုင်ရသည့် အန္တာရာယ်က တိုးလာသော်လည်း အခြေအနေကလည်း ရှီဖုန်းအတွက် အသက်ကယ်ရာ ပေးသေးသည်။
တံခါးစောင့် ၃ ဦး၏ အရည်အချင်းက မူလ မဟာအရှင်၏ အရည်အချင်းနှင့် မယှဉ်နိုင်ပေ။ အစက ရှီဖုန်းသည် သူ့ရန်သူထက် အနည်းငယ်နှေးသည်။ သို့သော် ယခုမူ သူတို့၏ အရှိန်က တူညီလုနီးပါး ဖြစ်နေသည်။ ထိုအပြင် အနူဘစ်၏ တံခါးစောင့်က သူ့ကိုသူ ကိုယ်ခွဲပြီးနောက် ကိုယ်ခွဲများက ရုတ်တရက် လှုပ်ရှားမှုကို အသုံးမပြုနိုင်တော့ပေ။ သူ၏ ကိုယ်ပွားများက ရှီဖုန်းကို ခြေလျင်ဖြင့် လိုက်စေပြီး ၄င်းက ရှီဖုန်းကို အသက်ရှူ ချောင်စေသည်။
စက္ကန့်များက ဖြေးဖြေးခြင်း ကုန်ဆုံးသွားသည်။ ရှီဖုန်းအဖို့ စက္ကန့်များက နာရီများကဲ့သို့ ကြာသည်ဟု ခံစားရသည်။ ရှီဖုန်း၏ ကိုယ်ခွဲက အချိန်ကုန်လာသည်နှင့်အမျှ HP က လျင်မြန်စွာ ဆုံးရှုံးနေသည်။ ပို့ဆောင်ရေးအစီအရင်ထဲရှိ ခရမ်းတိမ်က သူမ အစည်းအရုံးခေါင်းဆောင်ကို ထပ်ကူညီခြင်းမှ ရှောင်ထားရသည်။ သူမက မကူညီချင်တာကြောင့် မဟုတ်ဘဲ မကူညီနိုင်တာ ဖြစ်သည်။ အကြောင်းမှာ သူမက ကူညီလိုက်လျှင် တံခါးစောင့် ၃ ယောက်ထဲမှ တစ်ယောက် အခက်အခဲကို ဆွဲခေါ်လိုက်သည်နှင့် ဆင်တူသွားပေသည်။ ထိုသို့ ဖြစ်သွားပါက ဤ နေရာကနေ မည်သူမှ အသက်ရှင်လျက် ထွက်သွားနိုင်မှာ မဟုတ်တော့ပေ။ ထို့ကြောင့် ရှီဖုန်းသည် သူ၏ HP များပြန်ကောင်းရန်အတွက် အသစ်ဖြစ်ပွားဆေးကိုသာ မှီခို အားထားရမှာ ဖြစ်သည်။ ပို့ဆောင်ရေး အစီအရင် လည်ပတ်တာ ၁၅ စက္ကန့်ကြာပြီးနောက် ရှီဖုန်း၏ ကိုယ်ခွဲက သေသွားပြီ ဖြစ်သည်။ ယခုရှီဖုန်းက တစ်ယောက်ထဲ တံခါးစောင့် ၂ ဦးကို ဖြေရှင်းရတော့မှာ ဖြစ်သည်။
အခြေအနေက အသာစီး မရတာကို သဘောပေါက်သောအခါ ရှီဖုန်းက သူ၏ အိတ်ထဲမှ အရှိန်တိုးမြင့်ခြင်း စာလိပ်ကို ချက်ခြင်း ထုတ်လိုက်သည်။ ထိုစာလိပ်ကို အသုံးပြုပြီးနောက် သူက သူတို့အဖွဲ့ရောက်လာသည့် ကျဉ်းမြောင်းသည့် လမ်းလေးဆီ တိုးဝင်သွားသည်။
တံခါးစောင့် ၃ ဦးက ချက်ခြင်းလိုက်သွားသည်။ ၃ စက္ကန့်မပြည့်မီ၌ သူတို့က ရှီဖုန်းကို မိသွားတော့သည်။ သို့သော် ရှီဖုန်းက မဲ့ပြုံးပြုံးပြီး တံခါးစောင့် ၃ ဦးဘက် ချက်ခြင်းပြန်လှည့်လာသည်။
” နှုတ်ဆက်ပါတယ် …”
ရှီဖုန်းက ခပ်ရေးရေးပြုံးလိုက်ပြီးနောက် နေရာလပ်လှုပ်ရှားမှုကို အသက်သွင်းလိုက်သည်။ ပြီးနောက် သူရှေ့တွင် ပေါ်လာသည့် အနက်ရောင် အပေါက်ထဲ ခုန်ဝင်သွားပြီးနောက် ကျဉ်းမြောင်းသည့် လမ်းလေးမှ ပျောက်ကွယ်သွားကာ အံ့သြဆွံ့အနေသည့် တံခါးစောင့်များကို ချန်ထားရစ်သည်။
ကြယ်ကြွေခြင်းက ပြန်သွားခြင်း စာလိပ်ကို တားမြစ်ထားသော်လည်း သူသည် နေရာလပ် ရွေးပြောင်းခြင်းကို အသုံးပြုနိုင်သေးသည်။ ထိုစကေး၏ အကျယ်အဝန်းက ကြယ်ကြွေကျွန်းအတွင်း ဧရိယာကို ကန့်သက်ထားပြီး သူက ထွက်သွားရန်အတွက် စကေးကို အသုံးမပြုနိုင်ပေ။
ရှီဖုန်းက ပထမဆုံးအကြိမ် ရွှေကျောက်ပြားနား ချဉ်းကပ်သည့်အချိန်၌ သူက ၄င်း၏ ကိုဩဒနိတ်ကို အမှတ်အသား ပြုခဲ့သည်။ ယခုသူသည် တံခါးစောင့်များကို မျှားခေါ်ပြီးနောက် ရွှေကျောက်ပြားရှေ့ ရောက်သောအခါ နေရာလပ် လှုပ်ရှားခြင်းကို အသုံးပြုလိုက်သည်။
ရှီဖုန်းက ရွှေကျောက်ပြားဆီ ပြေးသွားပြီး ၄င်းကို သူ၏ သိုလှောင်အိတ်ထဲ ထည့်လိုက်သည်။
မီးလျှံကကြိုးတို့ ပို့ဆောင်ရေး အစီအရင်က ၁၈ စက္ကန့် ကြာနေပြီး ဖြစ်သည်။ ရှီဖုန်းက ယခုဆို အစီအရင်နှင့် စက္ကန့် ၃၀ သာ ဝေးတော့သည်။ သူက သူ၏ အဖွဲ့ဆီ ကမန်းကတမ်း ပြေးသွားလိုက်၏။
အနူဘစ်၏ တံခါးစောင့်က ရှီဖုန်းရှေ့၌ ချက်ခြင်းပေါ်လာကာ မဟာအရှင်၏ မျက်နှာထက်တွင်အတိုင်းထက်အလွန် ရက်စက်သည့် အမူအရာကပေါ်လာ၏။ ယခုအချိန်၌ တံခါးစောင့်၏ ခန္ဓာကိုယ်နားတွင် ငွေမီးတောက်များ ရစ်ပတ်လာသည်။ သူတို့က သူသယ်ဆောင်လာသည့် အနက်ရောင်မီးတောင်ကို အုပ်ထားတော့သည်။ သူပေါ်လာသည်နှင့် တံခါးစောင့်က ရှီဖုန်း လမ်းကျဉ်းလေး ၁၀၀၀ အသုံးပြုလိုက်၏။
ရှ …
တံခါးစောင့်၏ လှံကို ရင်ဆိုင်သောအခါ လေဟာနယ်တောင် စုတ်ပြဲသွားသည်။ အနက်ရောင်လှံက မြန်လွန်းသောကြောင့် မျက်စိဖြင့် မမြင်နိုင်ပေ။ လက်နက်က ရှီဖုန်းကို ဝင်တိုက်သွားတော့၏။
ဖုန်း …။
ပေါက်ကွဲမှုက ယဇ်ပလ္လင်ကို တုန်ခါသွားစေသည်။
” မြင့်မြတ်တဲ့မြေကို ကျူးကျော်တဲ့ သူတွေ သေရမယ် …”
အနူဘစ်၏ တံခါးစောင့်က ရှီဖုန်းကို လှံဖြင့်တိုက်ခိုက်လိုက်သော်လည်း သူ၏ ရင်ထဲရှိ အမျက်ဒေါသက ကြီးထွားနေဆဲ ဖြစ်ကာ မလျော့သွားပေ။ တံခါးစောင့်က ရှီဖုန်း၏ ပုံရိပ်ယောင်ကိုသာ ထိမိသွားသည်။
” အစည်းအရုံးခေါင်းဆောင် …”
သူမ ဘေး၌ ရှီဖုန်းပေါ်လာတာကို မြင်သောအခါ မီးလျှံကကြိုးက တအံ့တသြအော်လိုက်မိသည်။
မဟာအရှင်၏ တိုက်ခိုက်မှုကို သူတို့ မြင်သည့်အချိန်၌ အားလုံးက မျှော်လင့်ချက် ဆုံးရှုံးသွားခဲ့သည်။ နောက်ဆုံး တိုက်ကွက်က မြန်လွန်း၏။ တိုက်ကွက်ကို ပိတ်ဆို့ဖို့က မဖြစ်နိုင်ပေ။ ရှောင်ဖို့က ပိုဆိုးသည်။ ထိုသို့တိုင် ရှီဖုန်းက တိုက်ခိုက်မှုကို အောင်မြင်စွာ ရှောင်နိုင်ခဲ့သည်။ ထို့အပြင် သူက သူတို့ဘေးကိုတောင် ရောက်လာနိုင်သည်။ ၄င်းက အံ့သြဖွယ်ရာ ကောင်းလွန်း၏။
သို့သော် သူ ခုနတုန်းက မည်မျှ အန္တာရာယ်များခဲ့မှန်း သူသိသည်။ တံခါးစောင့်က သူ့ရှေ့တွင် ပေါ်လာသည်နှင့် သူသည် မီးလျှံကကြိုးပေါ်၌ အသံတိတ်ခြေလှမ်းကို ချက်ခြင်း အသုံးပြုလိုက်သည်။ သူသည် အနည်းငယ် တုံ့ဆိုင်းနေလျှင် သူအသက်ဆုံးရှုံးမှာ သေချာသည်။
” မင်းတို့ အားလုံး သေသင့်တယ် …”
အနူးဘစ်၏ တံခါးစောင့်က ရှီဖုန်းကို စိမ်းစိမ်းဝါးဝါး စိုက်ကြည့်လိုက်သည်။ ပြီးနောက် သူ၏ အနက်ောင်လှံကို ရှီဖုန်း၏ အဖွဲ့ဆီ ပစ်လိုက်၏။
လက်နက်က အလွန်မြန်သည်။ မည်သူမှ ဝင်လာသည့် တိုက်ကွက်ကို တုံ့ပြန်ရန် အချိန်မရပေ။
ထိုစဉ် ပို့ဆောင်ရေး အစီအရင် အသက်ဝင်ရန် တစ်စက္ကန့်သာ လိုတော့သည်။ ထိုတစ်စက္ကန့်က လှံအတွက် သူတို့အားလုံးကို သုတ်သင်ရှင်းလင်းရန် လုံလောက်သည့် အချိန်ထက်ပိုနေသည်။ ရုတ်တရက်တွင် ရှီဖုန်းက လှုပ်ရှားသွားပြီး အားလုံး၏ ရှေ့၌ ရပ်ကာ တိုက်ကွက်ကို ခံယူရန် ပြင်လိုက်၏။
ငွေမီးတောက်များ လွှမ်းမိုးထားသည့် အနက်ရောင်လှံက ပစ်မှတ်ကို ရောက်တော့မည့်အချိန်၌ ရှီဖုန်းက ပုံရိပ်ယောင်ရောင်ဝါအတွက် နေရာလပ်ရောင်ဝါကို ဖွင့်ကာ သူ၏ အရည်အချင်းများအားလုံးကို ၃၀ ရာခိုင်နှုန်းမြင့်လိုက်သည်။ သူသည် စိတ်ကူးယဉ် ကမ္ဘာကိုလည်း အသက်သွင်းလိုက်၏။
စိတ်ကူးယဉ်ကမ္ဘာ …။
မှော်ထိခိုက်မှု ၁၅ ရာခိုင်နှုန်းကို ကစားသမားတစ်ဦး၏ HP ပြန်ကောင်းရန် ကုသမှုအဖြစ် ၂၀ စက္ကန့်တာ ပြောင်းပေးသည်။
ကူးလ်ဒေါင်း ၃ မိနစ် …။
အနက်ရောင်လှံက ၄င်း၏ ပစ်မှတ်သို့ ရောက်သည်နှင့် ရှီဖုန်းက HP ၅၀၀၀ နီးပါး ချက်ခြင်း ပြန်တက်သွားသည်။ သို့သော် ရှီဖုန်း ပွဲမခံရသေးခင် အနက်ရောင်လှံနှင့် သူ့ဓားနှစ်လက်ကြားရှိ ထိခိုက်မှုကနေ အလွန်ကြီးမားသည့် သက်ရောက်မှုက HP ၇၀၀၀ ကို ရှင်းလင်းပစ်လိုက်သည်။ ရလဒ်အနေဖြင့် သူသည် HP ၂၀၀၀ ဆုံးရှုံးသွားမှာ ဖြစ်သည်။
အားကောင်းလိုက်တဲ့ စကေးဘဲ။ ရှီဖုန်းက အနက်ရောင်လှံကို ပိတ်ဆို့လိုက်သော်လည်း သူ၏ လက်နှစ်ဖက်လုံးက ထုံကျဉ်နေပြီး ယခုဆို မလှုပ်ရှားနိုင်တော့ပေ။
သူသာ စိတ်ကူးယဉ်ကမ္ဘာကို အသက်မသွင်းခဲ့လျှင် အနက်ရောင်လှံနားတွင် ရစ်ပတ်နေသော မီးတောက်များက သူ၏ အသက်ကို ချက်ခြင်း ဝါးမျိုသွားမှာ ဖြစ်သည်။ လှံကိုယ်တိုင်ကတောင် ကြောက်လန့်ဖွယ်ကောင်းနေပြီ ဖြစ်သည်။ ပုံရိပ်ယောင် ရောင်ဝါကို ဖွင့်ပြီးနောက် သူ၏ အရည်အချင်းများ အားလုံးက ၃၀ ရာခိုင်နှုန်းတိုးသွားသည်။ သူ၏ ခွန်အားက ၁၉၀၀ မှတ်ထက် ကျော်လွန်သွားခဲ့ကာ အနက်ရောင်လှံ၏ ရုပ်ပိုင်းဆိုင်ရာ တိုက်ခိုက်မှုကို ဆန့်ကျင်သည့်အချိန်၌ ရှီဖုန်းက -၇၀၀၀ ထိခိုက်မှု ရရှိသွားသည်။
” ကောက်ကျစ်လိုက်တဲ့ ကျူးကျော်သူတွေ …။ မင်းတို့ကို အလွတ်မပေးဘူး …။ မင်းတို့နဲ့ ထိုက်တန်တဲ့ အပြစ်ပေးရမယ် …”
တံခါးစောင့်က ကြုံးဝါးပြီး ရှီဖုန်းကို ကြည့်လိုက်သည်။
တံခါးစောင့် မည်မျှ ဒေါသထွက်နေစေကာမူ ပို့ဆောင်ရေးအစီအရင် အသက်သွင်းမည့်အချက်ကို သူမပြောင်းလဲနိုင်ပေ။ မဟာအရှင်က နောက်ထပ်တိုက်ကွက်ကို ထုတ်ဖော်ရန် အချိန်မလုံလောက်ခဲ့ပေ။ ရှီဖုန်းနှင့် ကျန်သည့်သူများ အလင်းတန်းအတွင်း စီးဆင်းသွားတာကိုသာ ကူကယ်ရာမဲ့စွာ ကြည့်နေပြီး ကြယ်ကြွေကျွန်းမှ ပျောက်ကွယ်သွားတာကိုသာ သူ ကြည့်နေရတော့သည်။