ပြန်လည်မွေးဖွားလာသော ဓားနတ်ဘုရား - Chapter - 665 ရှာဖွေတွေ့ရှိချက်အသစ်
ကျောက်လက်သည်းတောင်တန်း၏ အပြင်ဘက်ဒေသတွင် ကြယ်တာရာမဟာမိတ်၏ ကြေညာမှုကြောင့် ကျောက်လက်သည်းတောင်တန်းသို့ ကမန်းကတမ်းရောက်လာကြသည့် ကစားသမားအရေအတွက်က မိနစ်နှင့်အမျှ တိုးလာပေ၏။ အနီးအနားပတ်ဝန်းကျင်ရှိ တိုင်းပြည်များနှင့် နဂါးနတ်အင်ပါယာမှ ကျွမ်းကျင်သူများတောင် ရောက်လာကြသည်။ ဒေသအတွင်းမြေအောက်စခန်းကို ဝင်ရောက်ရန်အတွက် အနိမ့်ဆုံးအဆင့်လိုအပ်ချက်က သုံးဆယ်ဖြစ်သော်လည်း ကစားသမားငါးသောင်းကျော်က ကျောက်လက်သည်းတောင်တန်းထဲသို့ အလွယ်တကူ ဝင်ရောက်ခဲ့ပြီ ဖြစ်၏။ ထို့အပြင် အချိန်ကြာလာသည်နှင့်အမျှ အရေအတွက်က ဆက်လက်တိုးနေသည်။
” ဘော့စ်နီ …။ အော့ခ်တစ်ဝက် ပြည်ငြိမ်းခြင်းက ကျုပ်တို့ထက် တစ်လှမ်းသာနေတယ် …။ လက်ရွေးစဉ်အော့ခ်တစ်ဝက်သုံးရာနဲ့ ဒုလက်ရွေးစဉ် နှစ်ဆယ်ကျော် ထားထားတယ် …။ သမန်းဝံပုလွေ မျိုးနွယ်စုအကြီးအကဲလေးယောက်နဲ့ သမန်းဝံပုလွေအရှင်တစ်ယောက်လည်း ရှိသေးတယ် …”
” အခြေချထားတာလား …”
ငှက်မွှေးနီက ပြောလိုက်၏။
” အံ့သြစရာပဲ …။ မိုးမခရဲ့အဖွဲ့ကို ချက်ချင်းသတိပေးလိုက် …။ ငါတို့ခွန်အားတွေ ပေါင်းခဲ့ရင် တည်ဆောက်မှုကို ဖြိုချနိုင်မှာ …”
ကျောက်လက်သည်းတောင်တန်းက ရတနာမြေဖြစ်သော်လည်း ထိုကစားသမားများသည် မှော်သလင်းများနှင့် ချပ်ဝတ်တန်ဆာများကို အလွယ်တကူ ယူနိုင်လိမ့်မည်ဟု မဆိုလိုပေ။ အချိန်တစ်ချို့ အတွေ့အကြုံရပြီးနောက် အမျိုးမျိုးသော အစည်းအရုံးကြီးများက တိကျသည့် ပုံသဏ္ဍာန်များကို ရှာဖွေတွေ့ရှိခဲ့ပြီ ဖြစ်၏။
နယ်မြေထဲရှိ မွန်းစတားများနှင့်ယှဉ်လျှင် မြေအောက်စခန်းထဲရှိ မွန်းစတားများလှည့်လည်မှုက အကျိုးအမြတ်ပိုနည်းပေ၏။ မှော်သလင်းကျသည့်နှုန်း ကွာခြားချက်ကလည်း များပြားပေသည်။ ရံဖန်ရံခါတွင် ရိတ်သိမ်းမှုတစ်ခုသည် မွန်းစတားတစ်ကောင်၏ အခြေစိုက်ရာကို သိမ်းပိုက်ပြီးနောက် အယောက်တစ်ရာအဖွဲ့လိုက်စခန်းတစ်ခုအတွက် တစ်နေ့တာ လှုပ်ရှားရခြင်းထက်တောင် သာလွန်နိုင်ပေသည်။
သို့သော် အခြေစိုက်ရာများက အလွန်ရှားပါးသည်။ ထို့အပြင် အယောက်တစ်ရာအဖွဲ့ကတောင် ထိုအခြေစိုက်စခန်းကို ဆွဲချရန်အတွက် အလွန်ခက်ခဲပေ၏။ ပုံမှန်ဆို အဖွဲ့တစ်ဖွဲ့က အခြေစိုက်စခန်းကို ရှာဖွေတွေ့ရှိခဲ့လျှင် သူတို့က ဝိုင်းထားပြီးစောင့်ကြည့်ရုံသာ ရှိသည်။ သို့သော် ကြယ်တာရာမဟာမိတ်က အချိန်ဖြုန်းနေရန် မလိုပေ။
” ဘော့စ်နီ …။ ကျုပ်ရဲ့ ချပ်ဝတ်တန်ဆာတွေက အနီရောင်သတိပေးလိုင်းကို ရောက်နေပြီးပြီ …။ ကျန်နေတဲ့အချိန်က တိုက်ပွဲကြီးအတွက် ခံပါ့မလားဆိုတာ သံသယဖြစ်မိတယ် …”
ဒိုင်းစစ်သည်တော်တစ်ဦးက သူ၏ ချပ်ဝတ်တန်ဆာ ခံနိုင်ရည်ဘေးရှိ သတိပေးအမှတ်အသားကို မြင်ပြီးနောက် ပြောလိုက်သည်။
ကျောက်လက်သည်းတောင်တန်း၏ နယ်မြေက ရှုပ်ထွေး၏။ ဤနေရာတွင် မွန်းစတားများစွာ ရှိရုံသာမက ထိုမွန်းစတားများသည်လည်း တစ်ကောင်ချင်းဆီက အတော်လေးအစွမ်းထက်ပေသည်။ အဖွဲ့တစ်ဖွဲ့က ကြီးမားလွန်းလျှင် သူတို့ကို အလွယ်တကူ ရှာတွေ့နိုင်ရုံသာမက ချိတ်ဆက်တုံ့ပြန်ပြီး အဖွဲ့အတွက် ရှင်သန်ရန် ခက်ခဲမှာ ဖြစ်သည်။
ကျောက်တောမြို့အတွက် တိုက်ပွဲစချိန်မှစကာ ကြယ်တာရာမဟာမိတ်၏ အလုံးစုံခွန်အားက သိသိသာသာ လျော့ကျသွားခဲ့သည်။ ကံကောင်းသည်မှာ သူတို့ ထိပ်တန်းတိုက်ပွဲဝင်သူများက မည်သည့်ထိခိုက်မှုမှ မရသေးပေ။ ထို့ကြောင့် အစည်းအရုံး၏ ဆုံးရှုံးမှုက အယောက်တစ်ရာအဖွဲ့လိုက် မြေအောက်စခန်းနှင့် ကျောက်လက်သည်းတောင်တန်းထဲရှိ ဖြစ်စဉ်ကို သက်ရောက်မှု မရှိပေ။
သို့သော် ကျောက်လက်သည်းတောင်တန်းထဲရှိ အော့ခ်တစ်ဝက်များက အလွန်အစွမ်းထက်ပေ၏။ သူတို့၏ သံချပ်ကာ ဖြိုခွင်းနိုင်သည့် စွမ်းရည်က ကစားသမားများကို ခေါင်းခဲစေခဲ့သည်။ အချိန်ကြာမြင့်စွာ ခံနိုင်ရည်ရှိသည့် ချပ်ဝတ်တန်ဆာက တိုက်ပွဲတစ်ဒါဇင်ကျော် ကြုံတွေ့ပြီးနောက် ခံနိုင်ရည်သည် သေရေးရှင်ရေးအခြေအနေထိ လျော့ကျသွားပြီ ဖြစ်၏။ အိုင်တမ်တစ်ခု၏ ခံနိုင်ရည်က သုညသို့ရောက်သွားလျှင် ၎င်းကို ပြန်ပြင်ရန်မဖြစ်နိုင်တော့ပေ။ ထိုအချိန်ကျလျှင် ၎င်း၏ ကုန်ကြမ်းများအတွက် စုဝေးနိုင်တော့မှာ မဟုတ်ပေ။
အမှန်တကယ်တွင် ခေါင်းဆောင် MT ၏ ချပ်ဝတ်တန်ဆာက ထိုသေစေနိုင်သည့်အခြေအနေအထိ ရောက်ခဲ့တာ မဟုတ်ပေ။ ကျန်သည့်MT များနှင့် ငှက်မွှေးနီအဖွဲ့ထဲရှိ အနီးကပ်ကစားသမားများ၏ ချပ်ဝတ်တန်ဆာများက အရေးကြီးသည့်အဆင့်သို့ ရောက်နေပြီ ဖြစ်သည်။
လက်နက်နှင့် ချပ်ဝတ်တန်ဆာများက မတူပေ။ လက်နက်တစ်ခု၏ ခံနိုင်ရည်ကို အဆင့်မြင့်ကြိတ်ဆုံကျောက်ကနေ ပြန်ပြင်၍ ရသည်။ သို့သော် ချပ်ဝတ်တန်ဆာ၏ ခံနိုင်ရည်ကို ပြန်ကောင်းစေနိုင်သည့် အိုင်တမ်ဟူသည် မရှိပေ။ ကစားသမားများက ၎င်းတို့ကို ပြန်ပြင်ရန်အတွက် သူတို့၏ ချပ်ဝတ်တန်ဆာများကို ပန်းပဲဖိုသို့ ယူသွားရုံသာ ရှိသည်။ ထို့ကြောင့် ကစားသမားများသည် သူတို့၏ ချပ်ဝတ်တန်ဆာများကို များများစားစား အာရုံမစိုက်ခဲ့တာလဲ ဖြစ်၏။
တိုက်ပွဲကာလအတွင်း ကစားသမားများသည် သူတို့၏ လက်နက်များဖြင့် တိုက်ခိုက်ခုခံခဲ့ကြ၏။ ချပ်ဝတ်တန်ဆာများသည် ထိုးနှက်ချက်ကို ခံယူနိုင်တာ အင်မတန်ရှားပါးပေ၏။ ထို့ကြောင့် သူတို့ချပ်ဝတ်တန်ဆာများ ခံနိုင်ရည်က ဖြည်းဖြည်းခြင်းလျော့ကျသွားသည်။ သို့သော် ကျောက်လက်သည်းတောင်တန်းထဲက မွန်းစတားများက မတူပေ။ သူတို့၏ သံချပ်ကာခွင်းအရည်အချင်းက အစွမ်းထက်လွန်း၏။ သို့သော် သူတို့က အလွန်မြင့်မားသည့်ဉာဏ်ရည်ကိုလည်း ပိုင်ဆိုင်ထားပေသည်။ ကစားသမားတစ်ဦး၏ သေစေနိုင်သည့်နေရာကို ရိုက်နှက်ရန် အခွင့်အရေး ရံဖန်ရံခါရှာပြီး ချပ်ဝတ်တန်ဆာများ၏ ကြာရှည်ခံမှုကို ဖြည်းဖြည်းခြင်းလျော့ချပေးနေ၏။
” မင်းရဲ့ အပိုချပ်ဝတ်တန်ဆာကရော …”
ငှက်မွှေးနီက မျက်မှောင်အနည်းငယ်ကြုတ်လိုက်၏။
” ကျွန်တော်က အဲ့တာကို သုံးပြီးသွားပြီ …။ ဒါက ကျုပ်ရဲ့ နောက်ဆုံးအစုံပဲ …”
ဒိုင်းစစ်သည်တော်ကလည်း အတော်လေးစိတ်ရှုပ်ထွေးနေ၏။
ကျောက်လက်သည်းတောင်တန်းထဲသို့ ဝင်ပြီးနောက် အမျိုးမျိုးသောအစည်းအရုံးကြီးများက မြေအောက်စခန်းများသည် သူတို့၏ ချပ်ဝတ်တန်ဆာများ၏ ခံနိုင်ရည် ကုန်ခမ်းတာကို ရှာဖွေတွေ့ရှိခဲ့၏။ အထူးသဖြင့် MT များအတွက် မှန်ကန်ပေ၏။ ထို့ကြောင့် သူတို့သည် လိုအပ်လာလျှင် ချပ်ဝတ်တန်ဆာများကို အစားထိုးရန်အတွက် ချပ်ဝတ်တန်ဆာအစုံများများစွာ ပြင်ဆင်ခဲ့ပေသည်။ သို့သော် တစ်ရက်ခန့်စီးနင်းတိုက်ခိုက်ပြီးနောက် သူတို့၏ အခုချပ်ဝတ်တန်ဆာများသည်လည်း အားအင်ကုန်ခမ်းကုန်တော့၏။
” သေစမ်း …။ ခရီးတစ်ခေါက်သွားဖို့အရေး တစ်နေ့ကုန်တယ် …။ ငါတို့ စောင့်နေရင် အခြားအဖွဲ့တွေက ဒီအခြေစိုက်စခန်းကို လုသွားလိမ့်မယ် …”
ငှက်မွှေးနီက ဒေါသထွက်လာ၏။ ပြီးနောက် သူက မေးလိုက်သည်။
” ငါတို့ ချပ်ဝတ်တန်ဆာတွေကို အစားထိုးဖို့အတွက် အဖွဲ့ကို ပို့ခိုင်းရင်ရော …။ ဘယ်လိုလဲ …”
ကျောက်လက်သည်းတောင်တန်းကို အသွားအပြန်လုပ်ရန်က မည်မျှပြဿနာများမှန်း လူတိုင်းသိကြပေ၏။ ထို့ကြောင့် အမျိုးမျိုးသောအစည်းအရုံးကြီးများသည် သူတို့အဖွဲ့ အချိန်ကုန်သက်သာစေရန်အတွက် အစားထိုးချပ်ဝတ်တန်ဆာများကိုပို့ရန် အဖွဲ့များ စီစဉ်ထား၏။
” ဘော့စ် …။ ကျုပ်တော် မေးပြီးပြီ …။ ထောက်ပံ့မယ့်အဖွဲ့ပြောတာတော့ မြေအောက်စခန်းဝင်ပေါက်ကိုရောက်ဖို့အတွက် နောက်ထပ်ရှစ်နာရီ အချိန်ယူရမယ်တဲ့ …”
” ရှစ်နာရီလား …”
ငှက်မွှေးနီက ထိုအခြေစိုက်စခန်းဆီ နောက်ထပ်ရှစ်နာရီစာ ရှာဖွေတွေ့ရှိနိုင်ပါ့မလားဆိုသည်ကို သံသယဖြစ်မိ၏။ ယခုအချိန်တွင် အဖွဲ့များစွာက မှော်သလင်းများ ရှာဖွေရန်အတွက် ဆက်တိုက်ရောက်လာတာ ဖြစ်၏။ ကြယ်တာရာမဟာမိတ်က အိမ်ကွင်းဖြစ်သောကြောင့် အသားစီးရသော်လည်း ၎င်းသည် ပတ်ဝန်းကျင်ရှိ တိုင်းပြည်များနှင့် အင်ပါယာရှိ ပထမတန်းအစည်းအရုံးများထက် အနည်းငယ်သာ ပိုသန်မာတာ ဖြစ်သည်။ စူပါပထမတန်းအစည်းအရုံး နဂါးဖီးနစ်ပွဲကြည့်စင်တောင် အဖွဲ့ထဲဝင်လာ၏။
” ငါတို့တွေ နောက်ပြန်ဆုတ်ပြီး ထောက်ပံ့ရေးအဖွဲ့နဲ့ တွေ့ကြမယ် …။ မိုးမခရဲ့အဖွဲ့က ဒီအော့ခ်တစ်ဝက်အခြေစိုက်စခန်းကို စောင့်ကြည့်နေ …။ အခြားသူကို ရသွားခွင့် မပေးနိုင်ဘူး …”
ထိုသို့ပြောပြီးနောက် ငှက်မွှေးနီက သူ့အဖွဲ့ကိုခေါ်ပြီး ကျောက်လက်သည်းတောင်တန်းထဲမှ ထွက်ခွာရန်ပြင်ဆင်လိုက်၏။ ခေါင်းဆောင် MT ၏ ချပ်ဝတ်တန်ဆာက နီနေပြီ ဖြစ်သောကြောင့် တိုက်ပွဲဆက်တိုက်ခြင်းက ဉာဏ်ရှိသည့်လုပ်ရပ် မဟုတ်ပေ။ သူတို့က တိုက်ပွဲထဲတွင် ဝင်မပါနိုင်သောကြောင့် ထောက်ပံ့ရေးအဖွဲ့နဲ့ ဆုံတွေ့ပေးရန် ဖြစ်သည်။
တစ်ချိန်ထဲတွင် ကျောက်လက်သည်းတောင်တန်းဝန်းကျင်ရှိ အမျိုးမျိုးသော အဖွဲ့များကလည်း တူညီစွာ ခေါင်းခဲနေရတော့၏။ သူတို့က အဆင့် (၃၀) ဆန်းကျယ်သံမဏိနှင့် မဟူရာငွေချပ်ဝတ်တန်ဆာကို အသုံးပြုခဲ့လျှင် သူတို့သည် အိုင်တမ်များကို မကြာခဏ အစားထိုးနိုင်မှာ ဖြစ်၏။ သို့သော် ကျောက်လက်သည်းတောင်တန်းထဲရှိ မွန်းစတားများက အစွမ်းထက်လွန်းပြီး အရေအတွက်များပြား၏။ အဆင့် (၃၀) ရွှေစင် သို့မဟုတ် ထိုအထက် ချပ်ဝတ်တန်ဆာမရှိဘဲ သူတို့က ကြာရှည်ခံမှာ မဟုတ်ပေ။ သူတို့က လျှို့ဝှက်ငွေချပ်ဝတ်တန်ဆာကို သုံးခဲ့လျှင် ချပ်ဝတ်တန်ဆာက ခြစ်ရာတစ်ရာတောင် ထင်စေမှာမဟုတ်။ ထိုသို့တိုင် အဆင့် (၃၀) ရွှေစင် သို့မဟုတ် ထိုအထက်ချပ်ဝတ်တန်ဆာက အလွန်ရှားပါးလွန်းနေသည်။ အမျိုးမျိုးသော အစည်းအရုံးကြီများက အရေအတွက်က အကန့်အသတ်သာ ရှိပေ၏။ ထို့ကြောင့် အဖွဲ့တစ်ဖွဲ့ဆီ၌ အပိုဆောင်း ချပ်ဝတ်တန်ဆာ အနည်းငယ်သာ ရှိပေသည်။
အဖွဲ့အများစုက နေ့ဝက်ခန့် စီးနင်းတိုက်ခိုက်ပြီးနောက် အနားယူရန် ဖိအားပေးခံရကာ သူတို့၏ ထောက်ပံ့ရေးအဖွဲ့များ ရောက်လာမည်ကိုသာ စောင့်စားနေရ၏။ ထိုစဉ် ကျောက်တောမြို့ထဲတွင် အစောင့်အကြပ်က ထူးထဲနေပြီး အပြင်လူများ ဝင်ခွင့်ကို ငြင်းဆိုထားကာ ရုတ်တရက် ဘန်းလိုက်၏။
” ဟမ် …။ မြို့ပတ်လည်မှာ ကင်းလည့်နေကြ အစောင့်တွေ မရှိတော့ဘူး …”
” ဟေ့ …။ အဲဒီမှာ ကြည့်အုံး …။ တစ်ကိုယ်တော်ကစားသမားတွေက ကျောက်တောမြို့ထဲ ဝင်ထွက်သွားလာနေတယ် …”
အမျိုးမျိုးသော အစည်းအရုံးကြီးများက ပြောင်းလဲမှုကို လျင်မြန်စွာ သတိပြုမိ၏။ သိချင်စိတ်ကို မထိန်းနိုင်တော့သောကြောင့် ကစားသမားများထဲမှ အချို့က မြို့နားချဉ်းကပ်သွားသည်။
မူလက ကျောက်တောမြို့သည် မြင့်မားသည့်နံရံကို မပိုင်ဆိုင်ထားပေ။ မြို့သည် ဇီးရိုးဝင်း၏ ထိန်းချုပ်မှုတွင် ကျရောက်သည့်အချိန်မှစကာ စွန့်စားသူအဖွဲ့အစည်းက မြို့အတွက်တစ်ခု အလိုအလျောက် တည်ဆောက်ပေးခဲ့ရာ ကစားသမားအဖို့ အထဲရှိ အခြေအနေကို စုံစမ်းရန် လွယ်ကူတော့မှာ မဟုတ်ပေ။
” ဝါး …။ ဇီးရိုးဝင်းရဲ့ အစည်းအရုံးဂေဟာက အကြီးကြီးပဲ …”
” အဲ့တာက ဖယောင်းတိုင်အလင်း ကုန်သွယ်ရေးလုပ်ငန်း မဟုတ်ဘူးလား …။ သူတို့က စလှည့်ပတ်နေပြီတဲ့လား …”
” အဲ့ဒီမှာ ဟော်တယ်တစ်ခုလဲရှိတယ် ဟေ့ …”
” မြန်မြန်ကြည့်အုံး …။ အဲ့ဒီမှာ ပန်းပဲဖိုတစ်ခု …”
မြို့ထဲသို့ ဝင်သွားသည့် ကစားသမားတိုင်းက ချက်ချင်းမှင်သက်သွားကြသည်။ လွန်ခဲ့သည့် ရက်အနည်းငယ်က ကျောက်တောမြို့သည် အပျက်အဆီးပုံများ ဖြစ်ခဲ့သည်။ ထိုသို့တိုင် မြို့က အသစ်ချပ်ချွတ်ဖြင့် ယခင်ကထက် ပိုသာလာတာ ဖြစ်သည်။
” သေစမ်း …။ အစည်းအရုံးကို သတင်းပို့ရမယ် …”
” ဇီးရိုးဝင်းက အံ့သြစရာပဲဟေ့ …။ ရက်နည်းနည်းလေးပဲ ရှိသေးတာတောင် သူတို့မှာ ပန်းပဲဖိုနဲ့ ဟော်တယ်တစ်ခု ရှိနေပြီ …”
ခမ်းနားသည့်အစည်းအရုံးဂေဟာ ကုန်သွယ်ရေးတို့နှင့် ယှဉ်ပါက ကစားသမားများသည် သူတို့၏ ချပ်ဝတ်တန်ဆာများကို ပြန်ပြင်ပေးနိုင်ပြီး သူတို့၏ သက်လုံအားနှင့် အားရုံစူးစိုက်မှုကို ပြန်ကောင်းစေနိုင်သည့် အဆောက်အဦးနှစ်ခုကိုသာ ပိုအာရုံစိုက်မိကြ၏။
ကျောက်တောမြို့အကြောင်း သတင်းက ကျောက်လက်သည်းတောင်တန်းထဲရှိ အဖွဲ့တိုင်းကို ပြန့်နှံသွားပြီး အမျိုးမျိုးသော အစည်းအရုံးများကို ထိတ်လန့်သွားစေသည်။
ရှီဖုန်းသည် မြို့အမိန့်ပြားရပြီးနောက် အစည်းအရုံးများသည် မြို့၏ တည်ဆောက်မှုကို စုံစမ်းစစ်ဆေးခဲ့သည်။ သို့သော် သူတို့သည် မကြာခင်၌ အလွန်အံ့အားသင့်ခဲ့ရတော့၏။ မည်သူကမှ မြိုတစ်မြို့တည်ဆောက်ခြင်းက ထိုမျှဈေးကြီးလိမ့်မည်ဟု မထင်ထားပေ။
အစောပိုင်း ရင်းနှီးမြှုပ်နှံမှုကတင် ရွှေပြားတစ်သောင်းကျော် ကျသင့်၏။ မြို့ကို သင့်တင့်စွာ လည်ပတ်ချင်ပါက ထို့ထက်ပိုပြီး ပိုက်ဆံသုံးစွဲရမှာ ဖြစ်သည်။
ဇီးရိုးဝင်းက အလွန်ကြွယ်ဝချမ်းသာသည့်တိုင် အစည်းအရုံးသည် ကျောက်တောမြို့ကို စီမံနိုင်ရန် အချိန်အတော်ကြာလိုအုံးမည်ဟု ထင်ခဲ့သည်။ ဇီးရိုးဝင်းက ရက်အနည်းငယ်အတွင်း ပြီးမြောက်သွားလိမ့်မည်ဟု မည်သည့်အစည်းအရုံးကမှ မထင်ခဲ့မိချေ။