ပြန်လည်မွေးဖွားလာသော ဓားနတ်ဘုရား - Chapter - 891 လူသစ်၏ အိပ်မက်ဆိုး
နေ့စဥ် တိုက်ပွဲဝင်အမှတ်ရရှိမှုအကြောင်း ကြမ်းတမ်းခြင်းဝက်ဝံရှင်းပြချက်က မှန်ကန်ပေသည်။ သို့သော် ယင်းက လျှို့ဝှက်မျှော်စင်က ပြုလုပ်ထားသည့် သေးသိမ်သည့် လှုပ်ရှားမှုတစ်ခုသာ ဖြစ်သည်။
ယခုအခေါက် တုပခြင်းလေ့ကျင့်ရေးစနစ်အတွက် စုစုပေါင်းနေရာ သုံးရာငါးဆယ်ရှိတာ မှန်ကန်ပေ၏။ လေ့ကျင့်ရေးစနစ်သည် လျင်မြန်စွာ တိုးတက်မှုအတွက် သူတော်စင်မြို့တစ်ခု ဖြစ်သည်။ သို့သော် တစ်ရက်တာအတွက် သင့်တော်သည့်ပြိုင်ဘက်ကို ရင်ဆိုင်ရန် အနည်းဆုံးအမှတ်တစ်ရာ လိုအပ်ပေ၏။ ထိုသို့တိုင် သန့်စင်ခြင်းနယ်ပယ်တစ်ဝက်ကိုသာ တတ်နိုင်မှာဖြစ်သည်။ အမှတ်တစ်ရာ သို့မဟုတ် ထိုထက်များသည့်အမှတ်ကို နေ့တိုင်းရရန်အတွက် ထိပ်တန်းအဆင့်နှစ်ရာအတွင်း ဝင်ခဲ့သည်။
ယခုအခေါက် လေ့ကျင့်ရေးစနစ်ထဲ ဝင်ရောက်ပြီး ပါဝင်သည့်လူတစ်ရာ့သုံးဆယ်ကြားထဲတွင် အယောက်နှစ်ရာက လျှို့ဝှက်မျှော်စင်၏ အဖွဲ့ဝင်များဖြစ်ကြသည်။
လျှို့ဝှက်မျှော်စင်က ပြုစုပျိုးထောင်ထားသည့် ထိုလက်ရွေးစင်များသည် မြင့်မားသောတိုက်ပွဲဝင် စံသတ်မှတ်ချက်များကို တွေ့မြင်ပြီးသားဖြစ်၏။ ယခု သူတို့သည် လေ့ကျင်ရေးစနစ်ထဲတွင် ဇာတလာ၏ စတင်မှုကိုလည်း ရရှိခဲ့ပြီဖြစ်၏။ ရိုးရိုးရှင်းရှင်းဆိုရလျှင် ကျန်သည့်အစည်းအရုံးများနှင့် အဖွဲ့ဝင်များသည် ထိပ်တန်းအယောက်နှစ်ရာကို ရနိုင်ချေမရှိပေ။
အဆင့်နှစ်ရာမှ အဆင့်သုံးရာကြား ဝင်နိုင်သည့်သူများသာလျှင် ကျန်သည့်ရက်များတွင် လေ့ကျင်ရန်တက်နိုင်မှာ ဖြစ်သည်။ ဤလူသစ်များအတွက်မူ ယင်းက အိပ်မက်ဆိုးတစ်ခု ဖြစ်နေသည်။
သူတို့ လေ့ကျင့်ရေးစနစ်ထဲ ပထမဆုံးအကြိမ်ဝင်လာသည်နှင့် သူတို့အဆင့်က သုံးရာအောက်ဖြစ်၏။ တစ်ရက်အလွန် အမှတ်နှစ်ဆယ်ရပြီး သင့်တော်သည့်အဆင့်များကို ရှာတွေ့ရန်အတွက် ငါးရက်စောင့်စားရမှာ ဖြစ်သည်။ သူတို့သည် အမှတ်တစ်ရာကို မရနိုင်ခဲ့လျှင် လေ့ကျင့်ရေးစနစ်၏ တိုက်ပွဲများနှင့် သူတို့ကိုသူတို့ လိုက်လျော့ညီထွေဖြစ်ရန် ပိုတောင်သုံးစွဲရမှာ ဖြစ်သည်။
လူတစ်ယောက်လျှင် စတင်သူပက်ကေ့ချ်တစ်ကြိမ်သာ ဝယ်နိုင်သည်။ စတင်သူပက်ကေ့ချ်တွင် ကျွမ်းကျင်သူဆယ်ယောက်ပါပြီး ရှစ်ယောက်က သန့်စင်ခြင်းနယ်ပယ်တစ်ဝက်ကျွမ်းကျင်သူများဖြစ်သည်။ ကျန်နှစ်ယောက်က သန့်စင်ခြင်းနယ်ပယ်ကျွမ်းကျင်သူများ ဖြစ်ကြသည်။ လူသစ်များသည် သုံးရက်တာအတွက် ထိုကျွမ်းကျင်သူများနှင့် လေ့ကျင့်ရလျှင် သူတို့၏နည်းစနစ်များ သိသိသာသာတိုးတက်လာနိုင်ပေ၏။ ဤနည်းဖြင့် သူတို့သည် ထိပ်တန်းအဆင့်သုံးရာထဲမှ တစ်ယောက်ဖြစ်လာရန်အတွက် တိုက်ခိုက်ဖို့ရာ အရည်အချင်းမှီပေလိမ့်မည်။ ထိပ်တန်းနေရာကိုဝင်ရန်က ခက်ခဲနေသော်ငြား လောလောလက်လက်မဟုတ်နိုင်တာတော့ မဟုတ်ပေ။
လျှို့ဝှက်မျှော်စင်၏ အဖွဲ့ဝင်များက အနည်းဆုံးတော့ တစ်ရက်လျှင်တစ်ကြိမ် သန့်စင်ခြင်းနယ်ပယ်တစ်ဝက်ကျွမ်းကျင်သူများနှင့် ရင်ဆိုင်ရလျှင် ကျန်သည့်အစည်းအရုံးများမှ အဖွဲ့ဝင်များသည် အလွန်ဆုံးမှ တစ်ရက်ခြားသာ ရင်ဆိုင်ရမှာ ဖြစ်သည်။
သန့်စင်ခြင်းနယ်ပယ်ကျွမ်းကျင်သူများကို စိန်ခေါ်ရန်အတွက်မူ အမှတ်နှစ်ရာလိုအပ်သည်။ ထိပ်တန်းနှစ်ရာက ထိုအမှတ်ရရန် နှစ်ရက်သာစောင်းစားရန်လိုသည့်အချိန်တွင် သူတို့က လေးရက်စောင့်စားရမှာပဲ ဖြစ်သည်။ အချိန်ကြာလာသည်နှင့်အမျှ နှစ်ဖက်ကြားရှိ ကွာဟချက်က ပိုတိုးလာပေမည်။
” ရှီဖုန်း မင်းသူလှည့်စားတာ မခံနဲ့ …။ မင်းရဲ့ စတင်အမှတ်တစ်ရာက အရေးကြီးတယ် …”
ကျက်သရေရှရှိ လှပသည့် တုရှင်းက သတိပေးလိုက်၏။
သူတို့ကဲ့သို့ လူသစ်များသည် ကြမ်းတမ်းခြင်းဝက်ဝံနှင့် မယှဥ်နိုင်ပေ။ သန့်စင်ခြင်းနယ်ပယ်ရှိ လူများတောင် ရှေးစစ်သည်တော်ကိုရင်ဆိုင်ရာတွင် ခက်ခဲမှုရှိသည်။ မဟုတ်လျှင် ကြမ်းတမ်းခြင်းဝက်ဝံက သန့်စင်ခြင်းနယ်ပယ်သို့ အစောထဲကရောက်ခဲ့ပြီဖြစ်၏။
သန့်စင်ခြင်းနယ်ပယ်သို့ ရောက်ပြီးသည်ကျွမ်းကျင်သူများသည် သူ၏ ရုပ်ပိုင်းဆိုင်ရာထိန်းချုပ်မှုကို ယှဥ်နိုင်ခြင်းမရှိကြချေ။
တုရှင်းသည် ရှီဖုန်း မည်သည့်အစည်းအရုံးမှလာမှန်း မသိသော်ငြား ပထမတန်းအစည်းအရုံး၏ ထိပ်တန်းအလွှာကျွမ်းကျင်သူများတောင် ကြမ်းတမ်းခြင်းဝက်ဝံအတွက် ပြိုင်ဘက် မဟုတ်မှန်း သူမသိသည်။
” ကုံးဟောက်ရန် ငါမင်းကို ပြောနေတာမဟုတ်ဘူး …။ ငါက ဒီညီငယ်လေးအတွက် ရက်ရောတဲ့ဖိတ်ကြားချက်တစ်ခု ကမ်းလှမ်းနေရုံပဲ …။ သူက မင်းတို့သုံးယောက်လိုမျိုး လမ်းဘေးကြောင်မဟုတ်ဘူး …။ ငါ့ကို တစ်ခါစိန်ခေါ်ပြီး ကြောက်နေမယ့်သူမဟုတ်ဘူး …။ မင်းရဲ့ အစည်းအရုံးလေးထဲမှာပဲ မင်းရဲ့ခွန်အားကိုကြွားဝါးနိုင်တာလေ …”
ကြမ်းတမ်းခြင်းဝက်ဝံက နှာခေါင်းရှုံ့လိုက်၏။
ထိုလူသည် ကုံးဟောက်ရန်ကို ညံ့ဖျင်းမှုကြောင့် ကျိန်းဝါးနေသော်ငြား သူ့စကားလုံးများက ရှီဖုန်းအတွက် ရည်ညွှန်းနေတာ ဖြစ်သည်။
” ညီငယ် ငါပြောတာ နားလည်တယ်မလား …”
” သူရှုံးခဲ့ရင်တော့ သူက အမှတ်တစ်ရာပါပဲ …။ သူက ထိပ်တန်းအယောက်သုံးရာအတွင်းဝင်နိုင်ရင် နှစ်ရက်အတွင်း အဲ့ဒီအမှတ်တွေကို ပြန်ရမှာ …။ အဲ့ဒီအချိန်အတောအတွင်း သင့်တော်တဲ့ ကျွမ်းကျင်သူကို ရင်မဆိုင်ဘူးဆိုပေမယ့် အနည်းဆုံးတော့ တစ်ရက်မှာတစ်ကြိမ် အဆင့်သတ်မှတ်ချက်တွေကို စိန်ခေါ်နိုင်သေးတာပဲလေ …။ ပြီးတော့ သာမန် အတုအယောင်ကျွမ်းကျင်သူတွေနဲ့လည်း လေ့ကျင့်နိုင်မယ် …။ ကုံးဟောက်ရန် မင်းက သူ့ကို ခြောက်လန့်နေတာပဲ …”
” မင်းက လူသစ်ကို ငါနဲ့ မတိုက်ခိုက်စေချင်ဘူးဆိုမှတော့ အဲ့ဒီအစား မင်းရဲ့ကံကို စမ်းကြည့်ပါလား …။ ဒီကိုရောက်နေတာ ငါးရက်ရှိပြီပဲ …”
” ငါ့ရဲ့ အရည်အချင်းကို (၁၀) ရာခိုင်နှုန်း လျှော့ချပေးမယ်၊ မင်းနိုင်ရင် အမှတ်ရှစ်ရာပေးမယ် …။ ရှုံးသွားခဲ့ရင် ငါ့ကို အမှတ်တစ်ရာပဲ ပေးဖို့လိုတယ် …။ ဘယ်လိုလဲ ငါ့ရဲ့ စိန်ခေါ်မှုကို လက်ခံရဲလား …။ လက်မခံရဲရင် ထွက်သွားလိုက်တော့ …။ မင်းလိုသတ္တိမရှိတဲ့သူက ဒီမှာရှိနေတာ တန်ဖိုးကြီးတဲ့လေ့ကျင့်ရေးတစ်နေရာ ဖြုန်းတီးရာရောက်တယ် …”
ကုံးဟောက်ရန်က ဒေါသထွက်သွားပြီး ကြမ်းတမ်းခြင်းဝက်ဝံကို စိုက်ကြည့်လိုက်သည်။
သို့သော် သူတစ်ခွန်းမှ မပြောနိုင်ခဲ့ချေ။ တိုက်ခိုက်ရမှာ ကြောက်ရွံ့သောကြောင့်မဟုတ်ပေ။ သူ့အမှတ်များအတွက် သုံးစရာအခြားနည်းလမ်းများ ရှိနေသောကြောင့် ဖြစ်သည်။ မနေ့က သူ၏ အဖော်အပေါင်းများထဲမှတစ်ဦးသည် စနစ်ထဲဝင်ရောက်ခဲ့ပြီး ဝါရင့်တစ်ဦး၏ ရန်စမှုအတွက် ကျရှုံးခဲ့သည်။ အဆုံးတွင်မူ သူ၏ အဖော်အပေါင်းက အမှတ်များဆုံးရှုံးသွားသည်။ ယနေ့တွင် သူက အမှတ်တစ်ရာစုဆောင်းခဲ့ပြီး ထိုလူအတွက် စတင်သူပက်ကေ့စ်ဝယ်ရန် စီစဥ်နေခဲ့တာဖြစ်သည်။ ယခုအချိန်တွင် ကြမ်းတမ်းခြင်းဝက်ဝံကို တစ်ပွဲရှုံးနိမ့်သွားခဲ့လျှင် သူ၏ မိတိဆွေသည် စတင်သူပက်ကေ့စ်ရရန် နောက်ထပ်ရပ်ပေါင်းများစွာ စောင့်စားရအုံးမှာ ဖြစ်သည်။
” ကျွတ် မင်းက သတ္တိကြောင်တဲ့ကောင်ပဲ …”
ကြမ်းတမ်းခြင်းဝက်ဝံက ကုံးဟောက်ရန်က အထင်တသေးကြည့်ပြီးနောက် လှည့်ထွက်သွားရန် ပြင်လိုက်သည်။
” အစ်ကိုကြီး စိတ်ရင်းမှန် မထားနိုင်ဘူးလား …။ အစ်ကိုကြီးက နည်းနည်းမရိုသာရာ ရောက်မနေဘူးလား …။ အကိုရဲ့ အရည်အချင်းတွေကိုနှိမ့်ပြီး အမှတ်ရှစ်ရာထိ လောင်းကြေး တိုးပေးတာနော်၊ ကျုပ်ကိုကျ ဒီလိုမပေးဘဲနဲ့ အမှတ်ငါးရာပဲ ပေးထားတာ …”
ရှီဖုန်းက ညင်သာစွာပြောပြီး ကြမ်းတမ်းခြင်းဝက်ဝံကို ဖျတ်ခနဲကြည့်လိုက်၏။
” ဪ မင်းက တိုက်ခိုက်ချင်တာလား ..”
ကြမ်းတမ်းခြင်းဝက်ဝံ၏အကြည့်က ရှီဖုန်းဆီ ရောက်သွားသည်။ ပြီးနောက် သူက ဓားသမားကို စတင်အကဲဖြတ်လိုက်၏။ ရယ်ကာမောကာဖြင့် ဆက်ပြောလိုက်တော့သည်။
” ဒါပေါ့ မင်းသာ ငါနဲ့တိုက်ခိုက်ချင်တယ်ဆိုရင် ကမ်းလှမ်းချက်က အတူတူပဲ …”
ပြီးနောက် ကြမ်းတမ်းခြင်းဝက်ဝံသည် ရှီဖုန်းကို စစ်မြေပြင်ဆီ ခေါ်သွားပေး၏။
” သူဘာကြောင့် ဒီလောက် စိတ်လိုက်မာန်ပါ လုပ်နေတာလဲ …။ ကြမ်းတမ်းခြင်းဝက်ဝံက သူ့အရင်ပြိုင်ဘက်ကို ဘယ်လောက်ဆိုးဆိုးဝါးဝါးရိုက်လိုက်လဲဆိုတာ မမြင်လိုက်ဘူးလား …”
တုရှင်းက မေးပြီး စိတ်တိုလာ၏။
” ငါ့ကို ကြမ်းတမ်းခြင်းဝက်ဝံ ဆက်ပြီးအနိုင်မကျင့်အောင်လို့ လုပ်ခဲ့တာလဲဖြစ်နိုင်တယ် …”
ကုံးဟောက်ရန်က ပြန်ပြောလိုက်ပြီး ရှီဖုန်းထွက်သွားတာကိုကြည့်ပြီး စိတ်ထဲအပြစ်မကင်းသလို ခံစားနေရသည်။
ရှီဖုန်းနှင့် အချိန်ကာလအနည်းငယ် အပြန်အလှန်ပြောဆိုပြီးနောက် ရှီဖုန်းက စိတ်လိုက်မာန်ပါ လုပ်တတ်သူမဟုတ်ဟု လူပြောနိုင်ပေသည်။ ထို့အပြင် ရှီဖုန်း၏ အကြည့်အတွင်း ဒေါသများမာန်မာနများကိုလည်း မတွေ့ရပေ။ ဆန့်ကျင်ဘက်အနေဖြင့် ရှေးစစ်သည်တော်ကို စိန်ခေါ်နေစဥ် အတော်လေးတည်ငြိမ်နေ၏။ ယင်းက သူသည် ကြမ်းတမ်းခြင်းဝက်ဝံ၏ခွန်အားကို သတိပြုမိပြီဖြစ်တာကို သိသာနေ၏။ ထိုသို့တိုင် တည်တည်ငြိမ်ငြိမ်ဖြင့် ထိုလူကို စိန်ခေါ်နေသေးသည်။
” ကြမ်းတမ်းခြင်းဝက်ဝံက သိပ်ကံကောင်းတာပဲ …။ တစ်ရက်ထဲ အမှတ်နှစ်ရာရတော့မယ် …။ ဒါနဲ့ဆိုရင် တစ်နေ့ကုန် သန့်စင်ခြင်းနယ်ပယ်ကျွမ်းကျင်သူတွေကို စိန်ခေါ်လို့ရပြီ …”
” ဒါပေမဲ့ အဲ့ဒီလူသစ်က အတော်ထက်တာပဲ …။ ကြမ်းတမ်းခြင်းဝက်ဝံကို အရည်အချင်း (၁၀) ရာခိုင်နှုန်း လျော့ခိုင်းထားတယ် …”
” ကြမ်းတမ်းခြင်းဝက်ဝံက သန့်စင်ခြင်းနယ်ပယ်ထဲ ခြေချပြီးပြီ …။ လူသစ်တစ်ယောက်ကို ရင်ဆိုင်ရန် (၂၀) ရာခိုင်နှုန်းလျော့ချထားတာက ဘာမှမပြောင်းလဲဘူး …။ (၁၀) ရာခိုင်နှုန်းဆို ပြောနေဖို့ရာ မလိုဘူး …။ သန့်စင်ခြင်းနယ်ပယ်မရောက်ပဲနဲ့တောင် လူသစ်က ခံနိုင်ရည်ရှိမှာ မဟုတ်ဘူး …”
ပင်မခန်းမထဲရှိ လူတိုင်းက ဖန်သားပြင်ပေါ်ကြည့်နေကြပြီး သူတို့က ကြမ်းတမ်ခြင်းဝက်ဝံကို ကြည့်နေစဥ်၌ မျက်လုံးထဲတွင် အားကျသည့်အရိပ်အယောင်များ ရှိနေ၏။
” အနီ အဲ့ဒီလူသစ်ကို ရင်းနှီးတယ်လို့ မထင်ဘူးလား …”
ခရမ်းမျက်ဝန်းက မေးလိုက်၏။ ဖန်သားပြင်ပေါ်က ရှီဖုန်းကိုကြည့်နေစဥ် သူမ သူ့ကို တစ်နေရာရာမြင်ဖူးသလို ခံစားနေရသည်။
” ရင်းနှီးတာလား …”
ငှက်မွေးနီ စိတ်အခြေအနေမကောင်းပေ။ ထို့ကြောင့် တိုက်ပွဲအသစ်ကို အာရုံစိုက်နေခြင်းမရှိ။ သို့သော် ခရမ်းမျက်ဝန်း၏ ပြောကြားချက်ကိုကြားပြီးနောက် ဖန်သားပြင်ဆီ ကြည့်လိုက်သည်။ သူသည် ချက်ချင်းပင် အတွေးနက်သွားတော့၏။
” ဟုတ်တယ် …။ ရင်းနှီးနေတယ် …။ ဒါပေမယ့် သူ့ကို ဘယ်အချိန်ဘယ်နေရာမှာ တွေ့ဖူးတယ်ဆိုတာ ငါမမှတ်မိဘူး …”
ခရမ်းမျက်ဝန်းနှင့် ငှက်မွှေးနီက ရှီဖုန်းကိုကြည့်နေစဥ် ရှီဖုန်းနှင့် ကြမ်းတမ်းခြင်းဝက်ဝံ၏ တိုက်ပွဲကစတင်တော့သည်။
တိုက်ပွဲကွင်းပြင်က ဂန္တာရထဲတွင် ရှိသည်။ ယင်းက အရံအတားမရှိ ကစားသမားများကို အကျိုးအမြတ်ဖြစ်ထွန်းစေသည့် နယ်နိမိတ်မရှိပေ။
ရှီဖုန်းသည် ဤပြိုင်ပွဲအတွက် ဓားသမားအမျိုးအစားကိုရွေးချယ်ခဲ့ပြီး ကြမ်းတမ်းခြင်းဝက်ဝံက ရှေးစစ်သည်တော်ဖြစ်သည်။ သို့သော် ကြမ်းတမ်းခြင်းဝက်ဝံက သူ့အလုံးစုံခွန်အားကို (၁၀) ရာခိုင်နှုန်းလျော့ချထားသည်။ ခွန်အားအရာတွင် သူက ဓားသမားနှင့် အဆင့်တူမျှသာဖြစ်၏။
တိုက်ပွဲစတင်သည်နှင့် ကြမ်းတမ်းခြင်းဝက်ဝံက ရှီဖုန်းကို စတင်တိုက်ခိုက်တော့သည်။
” ဟေ့ကောင် ငါဘယ်လောက် အစွမ်းထက်လည်းဆိုတာ မင်းကို ပြလိုက်မယ် …”
ကြမ်းတမ်းခြင်းဝက်ဝံက တိုက်ပွဲဝင်ပုဆိန်ကို တင်းကြပ်စွာဆုပ်ကိုင်ထားပြီးနောက် ရှီဖုန်းဆီ လက်နက်ကိုကြမ်းတမ်းစွာလွဲရမ်းလိုက်၏။ ပုဆိန်က လျင်မြန်စွာရွေ့လျားနေသည့်ပုံ မပေါ်သော်ငြား ရှီဖုန်းရှေ့မှ ပျောက်ကွယ်သွာတော့သည်။
ဒုတိယအလျင်
ကြမ်းတမ်းခြင်းဝက်ဝံသည် အနီးကပ်တိုက်ပွဲဝင်အရည်အချင်းကို အတော်လေးယုံကြည်ချက်ရှိ၏။ အရည်အချင်းလျော့ချပြီးသည့်တိုင် သူ၏ ဒုတိယအလျင်နည်းစနစ်ဖြင့် အဆင့်တူဓားသမားကို အလွယ်တကူအနိုင်ယူနိုင်သည်။ သန့်စင်ခြင်းနယ်ပယ်သို့လည်း ရောက်ပြီးပြီဖြစ်သည့် ကျွမ်းကျင်သူတစ်ဦးတောင် သူတိုက်ကွက်များကို ပိတ်ဆို့ရန်ခက်ခဲနေမှာပင်။ ရှီီဖုန်းကဲ့သို့ လူသစ်ဆိုလျှင် ပြောနေရန်မလိုတော့ချေ။