ပြန်လည်မွေးဖွားလာသော ဓားနတ်ဘုရား - Chapter - 1236 နဂါးသူရဲကောင်း
ကျောက်နက်မျိုးနွယ်စုအကြီးအကဲ၏ ရုတ်ခြည်းသေဆုံးမှုက ဆိုင်းလန့်အန်ထရိုပီနှင့် ရွက်တစ်ရာတို့ကို ယာယီကြက်သေသေသွားစေ၏။
” သူ ဘယ်လိုလုပ်လိုက်တာလဲ … ”
HP (၁၅) ရာခိုင်နှုန်းက မများသော်ငြား နည်းပါးသည့်ပမာဏမဟုတ်လောက်ပေ။ ကျောက်နက်မျိုးနွယ်စုအကြီးအကဲ၏ ထူးကဲသော ဝိဒေသများအရ ၎င်း၏ HP လျော့သွားသည်နှင့် ပိုသန်မာလာတာပဲ ဖြစ်သည်။ သို့သော် ရှီဖုန်းသည် မဟာအရှင်၏ ကျန်ရှိသော HP ကို ချက်ချင်းနီးပါး ခိုးယူခဲ့၏။
” သူက အလွှာသုံးဆင့်ခေါ်ခြင်းစာလိပ်တွေကို တစ်ပြိုင်နက်တည်း သုံးလိုက်တာများလား … ”
ရွက်တစ်ရာက ဖြစ်နိုင်ချေကို ရုတ်တရက်တွေးလိုက်မိသည်။ ဘော့စ်ကို ရှီဖုန်း မြန်မြန်ဆန်ဆန်သတ်သွားခြင်းအတွက် ကျန်သည့်ဖြေရှင်းချက်မရှိပေ။
” ရူးနေတဲ့ကောင်ပဲ … ဒုတိယအဆင့် တတိယအလွှာရဲ့ စမ်းသပ်မှုက ပိုလွယ်မယ်များ သူထင်နေတာလား … ဒါမှမဟုတ် သူက တတိယအလွှာရဲ့အမွေအနှစ်ကိုမရနိုင်မှန်းသိတာကြောင့် ဒုတိယအလွှာမှာပဲ သူ့ရဲ့ကတ်အားလုံးသုံးဖို့ ဆုံးဖြတ်လိုက်တာလား … ”
ရွက်တစ်ရာသည် ထိုအထိသာခန့်မှန်းနိုင်၏။ ဆိုရလျှင် အဆင့်တူမဟာအရှင်တစ်ပါးကို အနိုင်ယူရန်အတွက် ကိရိယာမျိုးစုံ အသုံးပြုခြင်းက လွန်ကျူးရာရောက်နေသည်။ ထိုကဲ့သို့ အရင်းအမြစ်များက ရရှိရန်အတွက် အင်မတန်ခက်ခဲပြီး ဘော့စ်များစွာ သို့မဟုတ် ခက်ခဲသည်တာဝန်များစွာကိုဖြတ်ကျော်ပြီးမှ ကျလာတာ ဖြစ်သည်။ သူတို့က တန်ဖိုးရှိသောအရင်းအမြစ်များဖြစ်၏။ အရေးကြီးသည့်ပန်းတိုင် သို့မဟုတ် အကျိုးအမြတ်ရှိသည့် တစ်စုံတစ်ခုအတွက်သာ မဟုတ်လျှင် ထိုကိရိယာများကိုအသုံးပြုရန် ရှောင်ရှားကြမှာ ဖြစ်သည်။
သို့သော် ရှီဖုန်းက သူ့၌ လုံလောက်သောအုတ်မြစ်မရှိမှန်း နားလည်သဘောပေါက်ပြီး သူက တတိယအလွှာ၏ အမွေအနှစ်အတွက် မယှဥ်ပြိုင်နိုင်မှန်းသိနေလျှင် သူက ဒုတိယအလွှာ၏ ဆုလာဘ်အတွက် ပစ်မှတ်ထားတာ သိသာသည်။
ဆိုင်းလန့်အန်ထရိုပီက အတွေးတူပေ၏။ သူက မချင့်မရဲဖြစ်နေသော်ငြား ကျောက်နက်မျိုးနွယ်စု အကြီးအကဲ၏ HP ကိုဆက်လက်ရိတ်သိမ်းကာ တတိယအလွှာသို့ တက်နိုင်သမျှမြန်မြန် သွားရန် ကြိုးစားလိုက်၏။
အဆင့် (၅၀) ကျောက်နက်မျိုးနွယ်စုအကြီးအကဲကို တစ်ကိုယ်တော်တိုက်ခိုက်ရခြင်းကြောင့် ရှီဖုန်း၏ EXP ဘားက သိသိသာသာ တက်သွားသည်။ သို့သော် အကြီးမားဆုံးရိတ်သိမ်းမှုက ဘော့စ်ကို သူအနိုင်ယူပြီးနောက် ပေါ်လာသောဆုလာဘ်သုံးခု ဖြစ်သည်။ တလက်လက်တောက်ပနေသော သလင်းလုံးများက ဒုတိယအလွှာအခန်း၏ အလယ်တွင်ရှိနေပြီး တစ်ခုချင်းဆီ၌ အိုင်တမ်တစ်ခုပါဝင်သည်။
စနစ် : ဂုဏ်ပြုပါတယ်။ သင်က ကြယ်ကြွေမျှော်စင်ရဲ့ ဒုတိယအလွှာစမ်းသပ်မှုကို ရှင်းလင်းခဲ့ပြီးပါပြီ။ သင်ဆုလာဘ်အနေနဲ့ အိုင်တမ်သုံးခုထဲက နှစ်ခု ရွေးလို့ရပါပြီ။
လုံလောက်သွားပြီ။ စနစ်က ဒီလောက်မရက်ရောဘူး။
ရှီဖုန်းက နှုတ်ခမ်းသပ်လိုက်လေ၏။
ကျောက်နက်မျိုးနွယ်စုအကြီးအကဲကို တက်နိုင်သမျှမြန်မြန်သတ်ရန်အတွက် ရှီဖုန်းသည် အရင်းအမြစ်များစွာ ရင်းနှီးမြှုပ်နှံခဲ့၏။ ထိုသို့တိုင် သူ့အားစိုက်ထုတ်မှုအတွက် အိုင်တမ်နှစ်ခုသာ ဆုရရှိခဲ့သည်။ ရှီဖုန်းက ချဥ်းကပ်လာပြီး အိုင်တမ်များကို စစ်ဆေးလိုက်၏။
” အံ့သြစရာပဲ … ”
အိုင်တမ်များကို ဂရုတစိုက်စစ်ဆေးပြီးနောက် ရှီဖုန်း၏ မျက်လုံးသည်စိတ်လှုပ်ရှားမှုကြောင့် တောက်ပသွားတော့သည်။
ဆုလာဘ်တိုင်းက ထူးကဲလှပေ၏။ စနစ်က သူ့ကို နှစ်ခုသာရွေးခွင့်ပြုတာ အံ့သြစရာမရှိပေ။ အိုင်တမ်၌ ရှေးရာသီဥတုစာအုပ်၊ အချိန်အာကာသဥယျာဥ်နှင့် လျှို့ဝှက်ခန္ဓာနည်းစနစ်တို့ပါဝင်သည်။ မည်သည့်အစည်းအရုံးကြီးမဆို ထိုအိုင်တမ်များကို လုယူကြလိမ့်မည်။ ရှီဖုန်းတောင် မည်သည့်အရာကို ရွေးချယ်ပြီး မည်သည့်အရာကို စွန့်ပစ်ရမည်ဆိုတာ ရွေးချယ်ရခက်ခဲနေသည်။
ရှေးရာသီဥတုစာအုပ်၊ အံ့ဖွယ်အဆင့်အိုင်တမ်
ရှေးရာသီဥတုစာအုပ်သည် ကိုင်ဆောင်သူကို ဧရိယညတစ်ခု၏ ရာသီဥတုကို ထိန်းချုပ်ခွင့်ပေးသည်။ သို့သော် နတ်ဘုရားများကြားအတွင်း စစ်ပွဲကာလပြီးနောက် မူလစွမ်းအား၏ အနည်းစုကိုသာ သုံးနိုင်၏။
အလိုအလျောက်တိုက်ခိုက်ရေးစကေး
ရာသီဥတုထိန်းချုပ်မှု : ကိုက်နှစ်ထောင်အတွင်းရှိ ရာသီဥတုကို နှစ်နာရီတာ ပြောင်းလဲနိုင်၏။
ပြန်လည်အသုံးပြုရန် စောင့်စားရချိန် : ဆယ်နာရီ
ထပ်တိုးတိုက်ခိုက်ရေးစကေးနှစ်
သဘာဝပုံသွင်းခြင်း : ကိုက်နှစ်ရာအတွင်းရှိ ဝိညာဥ်ဓာတ်စွမ်းအားအားလုံးကို စုစည်းစေပြီး ဝိညာဥ်ဓာတ်စွမ်းအားသိပ်သည်းမှုကို ဆယ့်ငါးကိုက်အတွင်း (၁၀၀) ရာခိုင်နှုန်းတိုးစေ၏။ ရှေးရာသီဥတုစာအုပ်ကို အိတ်သိုလှောင်မှုထဲထားလျှင်တောင် အသုံးပြု၍ရသည်။ အသုံးပြုရန် စောင့်စားရသည့်အချိန် မရှိပေ။
ရှေးစာအုပ်က သိသာသည့်ထိခိုက်မှုကို စုထားလိမ့်မည်။ အစောပိုင်းစုဆောင်းမှုက မှော်သလင်းတစ်သောင်း လိုအပ်၏။ လက်ရှိ စုပ်ယူထားသောပမာဏ : သုည။
အာကာသအချိန်ဆေးဥယျာဥ် အံ့ဖွယ်အဆင့်အိုင်တမ်
ယင်းက ကျင့်ကြံရန်အတွက် ဆေးပင်များအသုံးပြုနိုင်သည့် အာကာသအချိန်ဆေးဥယျာဥ်ထဲတွင် လွတ်လပ်သည့် လေဟာနယ်တစ်ခု ပါရှိသည်။
လက်ရှိအဆင့် : အခြေခံ။ အလယ်အဆင့်သို့မြင့်တင်ရန် မှော်သလင်းခုနှစ်သောင်းလိုအပ်၏။
ကျင့်ကြံခြင်းနေရာ : ကိုက်ငါးရာပတ်လည်။
အချိန်စီးဆင်းမှု : အပြင်လောက၏ နှစ်ဆ။
ရှင်သန်နိုင်သည့်နှုန်း : (၁၀) ရာခိုင်နှုန်းတိုးမည်။
လျှို့ဝှက်ခန္ဓာနည်းစနစ် ကြေးနီအဆင့်ကျောက်ပြား
ရှေးရာသီဥတုစာအုပ်၏ အရေးပါမှုက ပြောရန်မလိုပေ။ ရှေးရာသီဥတုစာအုပ်က ရှီဖုန်း၏ ပင်မရည်ရွယ်ချက်ဖြစ်သည်။ ၎င်း၏ ရေကြောင်းထိန်းချုပ်ရေးစကေးက ရေကြောင်းတိုက်ပွဲ၌ သိသိသာသာအားသာချက်ဖြစ်စေမည့်အပြင် စာအုပ်ကိုလေ့ကျင့်ပြီး ကိုယ်တိုင်တိုးတက်အောင်လည်း ပြုလုပ်နိုင်၏။ ယင်းက အံ့မခမ်းအံ့ဖွယ်ကိရိယာတစ်ခု ဖြစ်၏။
အာကာသအချိန်ဆေးဥယျာဥ်က ကုန်သွယ်ရေးလုပ်ငန်းကို ကူညီပေးနိုင်၏။
နတ်ဘုရားနယ်မြေထဲတွင် ကွင်းပြင်ထဲ၌ အစည်းအရုံးအများစု၏ ပင်မဆေးပင်အရင်းအမြစ်ဖြစ်လာပြီး ကစားသမားများက ဆေးပင်များကိုရယူရန် ကျန်သည့်နည်းလမ်းများရှိသည်။ သူတို့က သူတို့ဘာသာကျင့်ကြံနိုင်၏။ သို့သော် လူတစ်ယောက်၏ ကိုယ်ပိုင်မြို့အတွက် ထားရှိဖို့က ကြိုတင်လိုအပ်ချက်ဖြစ်နေသည်။ တစ်ကိုယ်တော်ကစားသမားများအဖို့ သူတို့၏ ကိုယ်ပိုင်ဆေးပင်များ စိုက်ပျိုးဖို့က မဖြစ်နိုင်ပေ။ ယေဘူယျအားဖြင့် အစည်းအရုံးများသာလျှင် ထိုကဲ့သို့ပြုလုပ်နိုင်၏။ မြို့တစ်မြို့က နေရာအကန့်အသတ်ရှိနေသောကြောင့် အစည်းအရုံးများသည် ထိုအရာကိုပြုလုပ်တာက ရှားပါးလှသည်။
ပုံမှန်ဆို အစည်းအရုံးများသည် ချဲ့ထွင်ရန်နေရာပိုများစွာရှိသည့် မြို့များစွာကို သိမ်းပိုက်ပြီးမှသာ ၎င်းကို စမ်းကြည့်ကြ၏။ ထို့အပြင် ဆေးပင်များစိုက်ပျိုးခြင်းက လွယ်ကူသည့်တာဝန်မဟုတ်ပေ။ အချိန်ကုန်ရုံသာမက စီမံခန့်ခွဲရန် လူစွမ်းအားများစွာလည်း လိုအပ်၏။ ပိုအရေးကြီးသည်က ဆေးပင်များ ရှင်သန်နိုင်သည့်နှုန်းက မမြင့်ပေ။ တစ်ခါတရံတွင် ဆေးပင်တစ်ပင်ကို စိုက်ပျိုးရန် ကုန်ကျစရိတ်က ဆေးကွက်တန်ဖိုးထက်ပိုမြင့်နေတက်၏။
သို့သော် အာကာသအချိန်ဆေးဥယျာဥ်က မတူညီပေ။ နေရာလွတ်များစွာ မပေးသော်ငြား အချိန်စီးဆင်းမှုက ၎င်း၏ ရှင်သန်နိုင်မှုကို မြင့်တက်စေ၏။
နေရာလွတ်၊ အချိန်၊ ဆေးဥယျာဥ်၏ တန်ဖိုးက ရှေးရာသီဥတုစာအုပ်နှင့် ယှဥ်နိုင်သည်။ ထို့အပြင် ဆေးဥယျာဥ်က ယခုအချိန်၌ အခြေခံအဆင့်သာရှိသည်။ ၎င်းကို မြင့်တင်၍ရ၏။ သင့်တော်စွာ စီမံမည်ဆိုလျှင် ရွှေတွင်းတစ်တွင်းဖြစ်လာနိုင်သည်။
နောက်ဆုံးက လျှို့ဝှက်ခန္ဓာနည်းစနစ် ဖြစ်သည်။ လျှို့ဝှက်ခန္ဓာနည်းစနစ်ကျောက်ပြားအပေါ် ရှီဖုန်း၏ လက်ရှိနားလည်သဘောပေါက်မှုအရ လျှို့ဝှက်ခန္ဓာနည်းစနစ်သည် ရှားပါးသည်ဟူ၍ သတ်မှတ်၍ရသည်။ မှော်အမျိုးအစားနှင့် ရုပ်ပိုင်းဆိုင်ရာအမျိုးအစားနှစ်မျိုးလုံးအတွက် အသုံးတည့်ပေ၏။ နဂါးဖီးနစ်ပွဲကြည့်စင်ကတောင် ထိုအမျိုးအစား ကျောက်ပြားတစ်ချပ်မှ မပိုင်ဆိုင်ထားပေ။ ထိုလျှို့ဝှက်ခန္ဓာနည်းစနစ်သည် ကြေးနီအဆင့်သာ ရှိသော်ငြား လျှို့ဝှက်ငွေအဆင့်ကျောက်ပြားထက် တန်ကြေးမနိမ့်ပေ။
ထိုအိုင်တမ်သုံးခုကို တွေးပြီးနောက် ရှီဖုန်းသည် သူတို့အားလုံးက အစည်းအရုံးတစ်ခုအတွက် ညီတူမျှတူတန်ဖိုးရှိကြောင်း သဘောပေါက်လိုက်သည်။ သုံးခုလုံးကို ယူသွားချင်၏။ သို့သော် စနစ်က စည်းမျဥ်းသတ်မှတ်ထားပြီးပြီဖြစ်ရာ ပိုကြီးမားသည့်တန်ကြေး ပေးမည်ဆိုလျှင်တောင် တတိယမြောက်အိုင်တမ်ကို ရမှာမဟုတ်ပေ။
” ရှေးရာသီဥတုစာအုပ်က ငါရေကြောင်းအင်အားစုကို ဖွံ့ဖြိုးတိုးတက်အောင်လုပ်ချင်တယ်ဆိုရင် မရှိမဖြစ်လိုအပ်တာပဲ … ဒီတစ်ခုကို ဘာပဲဖြစ်ဖြစ်ရွေးရမယ် … ဒါဆိုရင် နေရာလွတ် အချိန်ဆေးဥယျာဥ်နဲ့ လျှို့ဝှက်ခန္ဓာနည်းစနစ်ပဲရှိတယ် … ”
ရှီဖုန်းသည် ထိုအိုင်တမ်နှစ်ခုကြား ရှေ့နောက်ကြည့်လိုက်၏။ ဆေးဥယျဥ်သည် အစည်းအရုံးအတွက် ငွေကြေးများစွာပိုရနိုင်စဥ် လျှို့ဝှက်ခန္ဓာနည်းစနစ်က အစည်းအရုံး၏ ကျွမ်းကျင်သူများ၏ တိုက်ပွဲဝင်စွမ်းအားကို မြင့်တင်ပေးနိုင်၏။
” ငါ ငွေကိုရွေးရမလား … ဒါမှမဟုတ် တိုက်ပွဲဝင်စွမ်းအားလား … ”
ရှီဖုန်းတွေးနေစဥ် အချိန်များ ကုန်ဆုံးသွားလေ၏။
” ထားလိုက်တော့ ငါဒါပဲ ရွေးတော့မယ် … ”
စဥ်းစားပြီးနောက် ရှီဖုန်းသည် နောက်ဆုံး၌ ရှေးရာသီဥတုစာအုပ်နှင့် အချိန်ဆေးဥယျာဥ်ကို ရွေးချယ်လိုက်၏။
တိုက်ပွဲဝင်စွမ်းအားကို ဖွံ့ဖြိုးတိုးတက်အောင်ပြုလုပ်ခြင်းက အရေးပါနေစဥ် အစည်းအရုံး၏ ဘဏ္ဍာရေးခွန်းအားကို ဖွံ့ဖြိုးတိုးတက်အောင်ပြုလုပ်ရန်က ဦးစားပေးဖြစ်နေသည်။ ဇီးရိုးဝင်းသည် ကဏ္ဍအသီးသီး၌ ရင်းနှီးမြှုပ်နှံရန် လိုအပ်၏။ ဖယောင်းတိုင်အလင်းကုန်သွယ်ရေးလုပ်ငန်း၏ ဖြည့်တင်းမှုအချို့အနေနှင့် ရှားပါးသောဆေးပင်များလိုအပ်သည်။ ထိုဆေးပင်များ ပမာဏများစွာ ဝယ်ယူခြင်းက တန်ကြေးကို ဖောင်းပွသွားစေလိမ့်မည်။ ကျန်သည့်သူများကို အကျိုးအမြတ် ပေးမည့်အစား သူတို့အတွက်လိုအပ်သည့်ဆေးပင်များကို စိုက်ပျိုးတာက ပိုအကျိုးရှိ၏။
ယခု ကစားသမားများက အဆင့် (၅၀) နားကပ်လာပြီဖြစ်ရာ အနာဂတ်မြေပုံ၌ ကြမ်းတမ်းသည့်ပတ်ဝန်းကျင်ကို သူတို့တွေ့ကြုံရတော့မည်။ ကစားသမားများသည် စူးစမ်းရှာဖွေပြီး အဆင့်ပိုတက်လာသည်နှင့် အသုံးစရိတ်များ ပိုမိုလိုအပ်လာလိမ့်မည်။ သူက ထိုအရာအတွက် ပြင်ဆင်ထားခဲ့လျှင် ပွပေါက်တိုးနိုင်ပေ၏။ ပိုအရေးကြီးသည်က ရှီဖုန်းသည် ကိစ္စတစ်ခုကို မှတ်မိသွားတာပဲ ဖြစ်သည်။
အတိတ်တုန်းက လွတ်လပ်ခြင်းမဟာမိတ်၏ ကုန်သွယ်ရေးလုပ်ငန်းသည် အထင်ကြီးဖွယ်ကောင်းလောက်သည့် အနေအထားအထိ မြင့်တက်လာတာပဲ ဖြစ်၏။ ယင်းက ၎င်းတို့၏ ဆေးရည်များကြောင့်ဆို မှန်ပေသည်။ ထူးချွန်ထက်မြတ်သည့် အဂ္ဂိရတ်ပညာရှင် မရှိသော်ငြား လွတ်လပ်ခြင်းမဟာမိတ်၏ ကုန်သွယ်ရေးလုပ်ငန်းသည် အစွမ်းထက်သည့် ရေကြောင်းကုန်သွယ်ရေးလုပ်ငန်းများနှင့် ချိတ်ဆက်ထား၏။ ယခု ရှီဖုန်း ၎င်းကို ကြည့်မိသောအခါ လွတ်လပ်ခြင်းမဟာမိတ်၏ ဆိုင်းလန့်အန်ထရိုပီသည် အာကာသအချိန်ဆေးဥယျာဥ်ကို ရခြင်း၏ရလဒ် ဖြစ်ပေ၏။
ပင်လယ်ထဲ၌ ရနိုင်သည့်အရင်းအမြစ်များစွာ ရှိသော်ငြား ဆေးပင်ပြတ်လပ်မှုက ဆိုးဝါးသည်။ အာကာသအချိန်ဆေးဥယျာဥ်ဖြင့် ထိုအတွက် အလွယ်တကူ ဖြည့်ဆည်းပေးနိုင်သည်။
စနစ်က ရှီဖုန်း၏ အိတ်သိုလှောင်မှုထဲသို့ အိုင်တမ်နှစ်ခုလုံးကို ထည့်ပေးလိုက်၏။ တစ်ချိန်ထဲတွင် တတိယအလွှာသို့ သွားသည့် လှေကားနားတစ်ဝိုက်ရှိ အရံအတားက ပျောက်ကွယ်သွားပြီ ဖြစ်သည်။
” ဒါက တတိယအလွှာလား … ”
ရှီဖုန်းသည် လှေကားထဲမှ ထွက်လာပြီးနောက် မြင်လိုက်ရသည့်အရာကြောင့် မှင်သက်သွား၏။
သူက မြင့်မားသည့် တောင်ထွတ်ပေါ်၌ ရပ်နေပြီး အောက်၌ ပင်လယ်ကြီးရှိနေသည်။ အခန်း၏အလယ်တွင် ငွေရောင်သံချပ်ကာဖြင့် လူရွယ်တစ်ဦးက ရပ်နေလေ၏။ အနီးကပ်ကြည့်မိသောအခါ ထိုလူရွယ်က အလွှာလေး NPC ဖြစ်ကြောင်းတွေ့လိုက်ရသည်။ ထို့အပြင် ဤလူက အထွတ်အထိပ်အမျိုးအစား နဂါးသူရဲကောင်းဖြစ်နေသည်။